Loluwari Media (Dili)-Ministeriu Juventude Desportu no Arte kultura (MJDAK), Nelyo Izaac Sarmentu hatete hamutuk UNICEF halo elabora Modulu ida hodi sai materia formasaun ba foin sae sira no oinsá foin sae sira iha koñesimentu ba Orsamentu Gerál do Estadu (OGE)
“Ita ho UNICEF halo elabora modulu ida ne’ebé sai hanesan mós matéria importante ida ba formasaun joven sira, ida maka ko’alia konaba oinsá sira iha koñesimentu ituan kona-ba Elaborasaun orsamentu Gerál do Estadu, sira hatene ituan kona-ba oinsá governu ka estadu ne’e preparasaun ninia orsamentu ne’ebé sai hanesan orsamentu ida baibain ita dehan katak ran ba estadu tomak entaun sira sei hatene” dehan Ministeriu Juventude Desportu no Arte kultura MJDAK Nelyo Izaac Sarmentu, iha hotel timor, Tersa (01/07)
Alende ne’e iha mós modelu ida oinsá foin sae sira halo preparasaun ba sira nia peskiza no pensamentu hodi hatene kona-ba problema esensial iha vida joven sira nian hodi nune’e iha dadus bele konvese ba governu ida ne’e
“Depois iha mós matodu Modulu ida kona-ba joven sira oinsá mak sira prepara sira nia peskiza pensamentu konaba hodi hatene lolos konaba problema esensial joven sira nian literária mak saida nune’e para sira bele iha dadus bainhira kuandu koalia ho estadu karik sira elabora sira nia programa propriu iha organizasoens joven sira ne’e sira bele abrajen ba buat sira ne’ebé iha hotu”
Entretantu iha programa sosial ne’ebé iha problema lubuk ida iha sira nia organizasaun liu-liu halo formasaun no halo negósiu ne’e sira defini ona programa sira ne’ebé di’ak no garante sustentavel nune’e parseiru sira ne’ebé ajuda fó apoiu bele sai mós di’ak ba sira
Representante UNICEF Timor-Leste, Patrizia DiGiovanni, afirma kontenti hodi lansa publikasaun ne’ebé inisiativa ba estratejikus sira ne’ebé ho objetivu hodi avansa dezenvolvimentu adolexente no foin sae sira nian ne’ebé moris iha mundu hetan transformasaun ba mudansa klimatika, mudansa teknolojia no jeopolitiku sira.
“Ha’u kontente atu hamriik iha ita boot sira nia oin hodi lansa publikasaun no inisiativa estratejikus sira ho objetivu atu avansa dezenvolvimentu adolexente no foin sae sira nian iha mundu tomak, foin sae sira nia moris iha mundu ida ne’ebé maka hetan transformasaun lalais mudansa klimatika, mudansa teknolojikus sira no movimentu jeopolitiku ne’ebé hotu-hotu halo rede ida ba vulnerabilidade nian ba sira ne’ebé maka marjinalizadu liu” dehan Representante UNICEF
Nia haktuir, Timor-Leste foin sae sira hasoru nafatin dezafiu no limite sira abilidade atu espresa sira nia an halo opsaun no asesu ba oportunidade nafatin limite.
Alende ne’e publikasaun no inisiativa estratejikus ne’ebé lansa kona-ba kobre area kritiku 3 mak hanesan Dezenvolvimentu kapasidade adolexente no Juventude kona-ba prosesu orsamentu Gerál do Estadu, konsulta Juventude iha Timor-Leste no inovasaun sosial liu husi hackatho.
Jornalista : Anis