Loluwari Média (Dili) – Atleta Timor-Leste, hamutuk 101 preparadu kompete ba eventu jogu komunidade Paises da Língua Portugeza (CPLP) iha 17 Jullu 2025.
Ministru Juventude Desportu no Arte kultura (MJDAK) Nelio Isaac Sarmento, hatete, preparasaun ba jogu Comunidade Paises da Língua Portugueza (CPLP) iha faze preparasaun hotu ona no lista aliadu sira tama hotu ona hein Billete husi hodi ataka mai Timor-Leste.
“Agora ita iha faze, ko’alia karik ita faze finishing, tanba konfirma ona nasaun husi delegasaun Paises aliadu mai hotu ita nia rai to’o agora ita hein de’it sira nia orariu de vou sira nia naran hotu-hotu atleta ho ofisiáis tama hotu ona agora hein de’it katak sira iha Billete atu mai ne’e, Billete atu to’o iha ne’ebá nasaun barak konfirma sai tiha ona agora hein mak sira balu iha Billete ne’e sosa ona para ita bele konfirma katak sira mai.
Tanba agora naran buat sira ne’e fo mai hotu ona pasaporte balu hatama ona balu seidauk entaun só lista sira ne’e bele hatama ona para ita bele konfirma ho loloos katak París ida ne’e mai ho númeru sekian”. dehan Ministru Juventude Desportu no Arte Kultura (MJDAK), Nelio Isaac Sarmento, iha Hotel Timor, Dili, Tersa (01/07).
Alende ne’e lista husi Guine Bisau hatama sedu husi loron 15 ne’ebé mai ho plataforma, maibé nia Billete no konfirmasaun seidauk haruka mai, espera iha loron hirak ne’e hotu-hotu bele haruka mai hodi halo preparasaun ba jogu CPLP ida ne’e.
Nia informa, preparasaun internal nian ba Hotel, transporte no orariu planu tiha ona hodi hein nune’e to’o Timor-Leste, halo teknikal meeting, alende iha 8 Jullu ekipa tekniku jogu CPLP to’o ona iha Timor-Leste hodi hamutuk ho komisaun Organizadora lokal ba eventu ida ne’e.
“Preparasaun internal ninian ita nia hoteis transporte ho orariu de jogu planu hotu ona loos hotu ona hein sira mai to’o ita halo kedas teknikal meeting se mak atu hahu joga uluk depois serimonia abertura koloka ne’ebé mak hahu joga uluk fatin ne’ebé mak atu joga ekipa preparadu hotu ona, mais dia oitu (8) de jullu agora ekipa teknikus jogu desportivas CPLP ne’e sira to’o uluk ona mai para sira prepara di’ak liu tan ho ita nia komisaun organizadora lokal ba ida ne’e”.
Entretantu ba jogu CPLP ida ne’e komisaun Organizadora komunika ho organizasaun sosiedade sivil sira liliu ba programa atividades kulturál múzika, hahán ne’ebé realiza iha ita nia rai, ho nune’e iha atividade fasilidade ba estadiu no GMT ne’e iha 13 no 14 remata ona hein hahu jogu CPLP ne’e, alende atleta husi Timor-Leste hamutuk 101 ne’ebé rejistradu ona ba modalidade ne’ebé iha ona.
Jornalista : Anis