Loluwari Média (Dili) – Delegasaun husi nasaun 3 mak la partisipa iha Jogus desportivas Comunidade Países da Língua Portugueza (CPLP), ba dala 12 iha, Timor-Leste, Brazil, Guiné Equatorial, no Guiné Bissau.
Ministru Juventude Desportu Arte no Kultura (MJDAK), Nelio Isaac Sarmento, informa, serimonia jogu abertura CPLP no situasaun ikus ba delegasaun ne’ebé sei partisipa iha atividade jogu CPLP ba dala XII, Timor-Leste nu’udar uma na’in jogu CPLP 2025.
“Ohin ha’u hakarak lori informasaun balu relasiona ho ita nia serimonia abertura ba jogu desportivas, CPLP no mós situasaun ikus kona-ba delegasaun sira ne’ebé sei partisipa iha ita nia atividade desimo segundu (XII) jogus desportivas CPLP”. dehan Ministru Juventude Desportu no Arte kultura (MJDAK), Nelio Isaac Sarmento, iha salaun Media Center CCD, sabadu (19/07).
Alende ne’e delegasaun husi Portugál iha ona Timor-Leste no husi delegasaun husi komunidade CPLP husi pais Áfrika sei to’o iha oras balu nia laran.
“Agora daudauk iha Timor delegasaun Portugál mak iha ne’e delegasoens husi ita nia irmaun país Áfrika sira orsida mak sei to’o hotu iha ne’e, orsida aviaun rua husi Aero Dili, mak sei lori ita nia delegasaun sira husi país Áfrika hanesan Angola, Cabo Verde, São Tomé Principe no Mocambique, nasaun haat ne’e maka iha oras lokraik sei to’o iha Timor, Aviaun primeiru sei lori delegasaun haat ho atleta balun sei to’o iha tuku haat ho balu, oras Timor-Leste, depois sira ne’e maka delegasaun primeiru ne’ebé atu mai partisipa iha serimonia abertura orsida ninian”. Nelio esplika.
Entretantu, aviaun daruak sei tula pasageirus husi delegasaun Angola no Cabo Verde, tanba país rua nia numero ne’ebé bo’ot. Entaun labele tula husi Aviaun primeiru ne’e no País rua ne’e sei mai iha tuku 6 ba tuku 7 oras, Timor-Leste. Tanba ne’e sira la iha ona tempu hodi partisipa iha serimonia abertura ida ne’e maibé husi Aviaun primeiru mak sei partisipa iha serimonia abertura ba jogu CPLP Timor-Leste 2025.
delegasaun sira ne’ebé la partisipa iha atividade jogu desportivas CPLP ba dala XII ne’ebé Timor-Leste, sai nu’uda uma na’in ba jogu CPLP Timor-Leste 2025, delegasaun sira ne’ebé la partisipa maka, Brazil, Guine Equatorial no Guine Bissau.
“Delegasaun husi país ne’ebé la partisipa iha 12o desportivas CPLP iha Dili Timor-Leste. Maka Brazil, Guine Equatorial no Guiné Bissau, Guiné Bissau i ultimo ami la hetan konfirmasaun, signifika katak nia mós sei la partisipa iha 12o jogus desportivas CPLP”.
Jornalista : Anis