Loluwari Média (Díli) – Ekipa nasional Timor-Leste kuñesidu Lafaek Timor-Leste derota iha jogu abertura kontra nia adversariu Portugal ho rezultadu 1-0 iha jogu Comunidade Paizes Lingua Portuguesa (CPLP) iha Estadiu Munisípal Díli.
Jogu ne’ebé lidera husi árbito, Antonio Carvalho, juiz liña, Francisco Correia no João Carlos árbitru rezerva Francisco Pereira, jogu primeira parte hahu ekipa rua lansa kedas kontra atake ba malu atu rekolla Pontus pozitivu.
Durante jogu hetan suporta maximu husi adeptus sira ne’ebé asiste direita jogu entre ekipa rua. Adeptus sira kontinua haklalak, hakilar ho lian makas hodi fó ksolok ba ekipa rua iha kampu laran. Ekipa nasional Timor-Leste ho ofensivu bola aas. Enkuantu ekipa adversariu Portugal mós halo presaun ho tatiku bola rai akompaña bola long, maibé esforsu hirak ne’e tenke hela de’it hanesan esforsu tanba seidauk hatudu rezultadu pozitivu.
Ekipa Timor-Leste, halo esforsu makas maibé esforsu hirak ne’e seidauk rezulta golu ruma. Provizoriu ekipa lafaek no nia adversariu Portugal seidauk marka golu.
Maske nune’e ekipa rua kontinua jogu ho tatika ne’ebé treinadora sira orienta ona atu hetan vitoria nu’udar uma na’in ekipa nasional Timor-Leste, kontinua esforsu hatudu jogu ne’ebé furak. Enkuantu ekipa adversariu Portugal mos hatudu jogu ne’ebé diak. To’o jogu primeira parte termina ekipa rua ho forsa ne’ebé balansu alias 0-0.
Jogu kontinua ba segunda aprte ekipa kontinua lansa kontra atake ba malu, Timor-Leste, halo esforsu oioin, maibé esforsu hirak ne’e seidauk rezulta golu ruma.
Maske seidauk iha mudansa signifikativu ekipa Lafaek nafatin halo presaun ba ekipa adversariu Portugal, no tenta atu rezulta golu ruma atu asegura pontu importante maibé seidauk realiza golu ruma.
Ekipa kontinua hatudu jogu ne’ebé furak to’o minutu 90 rezultadu jogu mantein 0-0. Nune’e ekipa arbitrajen deside aumenta tempu adisional minutu 5 iha minutu tolu nia laran ekipa adversariu Portugal liuhusi jogadór Guilhermino Sousa, ho numeru kamijola 05 muda rezultadu jogu ba 1-0 prosesu golu liuhusi suta bola falta ne’ebé konsege fo vitoria ba ekipa Portugal.
Rezultadu 1-0 mantein to’o jogu termina, ho rezultadu ne’e halo ekipa Portugal hetan opurtunidade diak iha jogu tuir mai. enkuantu ho rezultadu derota halo pasu Lafaek aumenta mihis iha jogu tu’ir minimu rekolla pontu 3.
Treinadór Ekipa Portugal, Pedro Silva, hatete, jogu, ida ne’e nu’udar jogu ida ne’ebé la susar atu adapta ba klima.
Karik iha influénsia ruma ba Estadiu du’ut nian, tanba kampu la hanesan. Sei susar ba sira nia forma no sira nia domin ba joga futeból.
“Jogadór sira mós fila husi férias, sira la iha treinu no kole barak no dala ruma liu fali kole. tanba jogador tenke jere sira nia tempu, tanba sei iha jogu balu.
“Ha’u sente kontente no ha’u fo parabéns ba ha’u nia ekipa ida ne’e tanba bele fo nia rezultadu ida ne’ebé justu no rezultadu ida ne’ebé di’ak. Tanba jogadór sira ne’e iha idade ida ne’ebé sira evolui beibeik, no esperiénsia sira ne’e.”
Maneira oioin atu joga, husi ajente sira, difikuldade dala barak tenke rezolve. Ida ne’e nu’udar esperiénsia.
Treinadór Timor-Leste, Efrem Jeronimo, afirma, ekipa Portugal ekipa ne’ebé mak diak ba jogu CPLP nian no ekipa, Timor-Leste, mos iha esperansa bo’ot atu rekolla pontu 1 maibé mehi la sai realidade.
“Ami nia ekipa Timor-Leste hakarak liu atu rekolla pontu tolu maibé finalidade rejultadu la hanesan ho ida ne’ebé ita hotu hakarak maibé ekipa Timor-Leste, iha esperansa ba jogu tu’ir mai sei hetan vitoria.”
Jornalista : Chay Risky