Loluwari Média (Díli) – Atleta modalidade atletizmu, Maria Clara Monteiro Lucas Pires husi Portugál, ne’ebé kompete iha kilometru 300, konsege rekolla medalla osan mean ida, iha eventu desportiva komunidade Países lingua portugués (CPLP) ne’ebé realiza iha estadiu munisipál dili segunda loraik.
Atleta, Maria Clara Monteiro Lucas Pires, rejista ba kompetisaun númeru halai metru 300 no atleta ne’e konsege okupa iha primeiru lugar, hafoin halakon nia adversariu sira husi, Cabo Verde, Angola no Timor-Leste, nune’e oferese medalla osan mean ida ba portugál.
Atleta Maria Clara Monteiro Lucas Pires, informa rezultadu ida ne’e inkredivel tebes ba nia tanba konsege remata uluk.
“Ha’u sente orgullu tanba konsege hatudu duni prestasaun di’ak iha eventu ne’e iha metru 300 ne’e, ha’u esforsu ikus okupa duni iha primieru lugar hodi hetan medalla osan mean,” dehan atleta Maria Clara, ba jornalista sira, iha estadiu municipal, Dili, segunda (21/07).
Pires hatete, ida ne’e inkredivel tebes ba nia iha korida refere, no hein atu remata iha liña final ikus remata duni tuir saida mak nia hakarak.
“Ha’u hakarak atu remata uluk, tanba ha’u hanoin katak korrida ida ne’e maske ladún susesu hanesan ha’u hakarak, maibé sufisiente atu manán, no ida ne’e maka importante, tanba ha’u iha hanoin atu kontinua marka ha’u nia rekord pesoál sira, hodi hetan tan premiu nasionál no internasionál sira, hanesan ha’u halo tiha ona, no kontinua servisu maka’as di’ak liután.”
Nia husu ba joven sira katak determinasaun no esforsu iha desportu importante tebes, tanba ne’e atu hetan prestasaun diak tenke konsiente no labele rende.
“Eventu desportiva modalidade atletizmu ne’e hala’o akomula atleta sira husi nasaun CPLP sira ko’alia lian portugés, Poptugál, Angola, Cabo Verde no Timor-Leste.
Kompetisaun atletismu Jogu desportivu komunidade nasaun sira lian portugués (CPLP) ba dala XII rezultadu hatudu impressionante, Portugal lidera tabela medalla sira ho total 7 medalla kompostu husi osan mean lima no osan mutin rua
Medalla sira ne’ebé portugal rekolla mak, iha lansamentu Peso 3 kg (Feto), Margarida Braz Simões Bento, 1500 Metros (Mane), atleta Portugués manán ho tempu 4 minutu no 42 segundu.
Enkuantu 3000 metros (Feto), Maria Clara Monteiro Lucas Pires, manán ho determinasaun bo’ot, 100 metrus (Feto), Laura Branco Jorge da Silva Agostinho, 100 metrus (Mane), Tiago André Barros dos Santos.
Jornalista : Chay Risky