Loluwari Média (Díli) – Kapitaun Ekipa Lafaek Timor-Leste, Jermano Junior da Silva, hatete, Ekipa lafaek iha esperansa atu halakon Cabo Verde iha jogu orsida kalan hodi rekolla pontu tolu (3) entre Timor-Leste Cabo Verde.
“Ami iha esperansa bo’ot atu halakon ami adversariu Cabo Verde iha Estadiu Munisípal Díli hodi rekolla pontu tolu.” Dehan, kapitaun Ekipa Lafaek Timor-Leste, Jermano Junior da Silva, ba jornalista sira, iha Salaun Média Center, CCD, Tersa (22/07).
Nia hatete, lakon la sai bareira maibé sira nia esforsu atu fo vitoria ba adeptus Timor-Leste.
Treinadór ekipa nasional, Efrem Geronimo haktu’ir, iha jogu dahuluk ekipa lafaek derota hasoru nia adversariu Portugal, maibé derota ne’e nu’udar esperiénsia moruk atu hadia fallansu ne’ebé ekipa komete.
“Ami derota iha jogu dahuluk sai nu’udar istória moruk, maibé ami sei hadia fallansu hirak ne’e hodi rekolla pontu ba jogu tu’ir mai entre Timor-Leste ho Cabo Verde.”
Maske nune’e rezultadu sei determina iha minutu 90 mak determina, tanba Cabo Verde, mos derota ona tanba ne’e mak Timor-Leste, tenke esforsu ho emosionál atu hetan pontu tolu.
“Ami iha esperansa bo’ot atu manan ba jogu kontinua maske ami derota ho Portugal, maibé ami esforsu bo’ot atu halakon Cabo Verde, no fo vitoria ba adeptus Timor-Leste.”
“Ami nia line-up ne’ebé hasoru Portugal, ami sei mantein tanba ita nia jogador barak mak seidauk iha esperiénsia, hafoin tu’ir kompetisaun ida ne’e hanesan esperiénsia bo’ot ba ita nia jogador sira atu prepara ba futuru.”
Husi sorin seluk Treinador Caboverdiano, Jorge Humberto, hatete, lakon manan jogu CPLP sai espasu ba ita nia amizade, ksolok, no dame mak importante.
Maske nune’e rekooperasaun no determinsaun jogador ekipa nasional Cabo Verde, sira preparadu hasoru ekipa uma na’in timoroan, tanba antes ne’e Cabo Verde, derrota hasoru Angola nune’e Cabo Verde nia rekooperasaun ba psikolójiku ida ne’ebé di’ak ba jogadór sira. Razaun viajen naruk no kolen mak afeita ba derota ekipaiha jogu dahuluk.
“Agora ami prepara ba jogu daruak ida ne’e hasoru Timor Leste ho konsentrasaun no determinasaun maka’as, hodi koko atu manan jogu ohin hasoru Timor Leste, ne’ebé ho ekipa di’ak, ekipa ne’ebé joven, halai barak no ekipa ne’ebé agresivu iha talentu barak. Ami sei halo buat hotu atu manán jogu tuir mai.”
Nia dehan hafoin jogu hasoru Angola, Cabo Verde rekupera ho di’ak iha fíziku no psikolójiku, ne’ebé envolve oras barak semo nian no la’ós fásil. Entaun sira servisu hela ba rekooperasaun fíziku ne’ebé hanesan mós rekooperasaun psikolójiku jogadór sira nian, nune’e sira bele iha adaptasaun diak ba jogu ohin nian hasoru Timor Leste.
“Ami asiste jogu no foti konkluzaun balu, no ami prepara hela ba jogu ohin nian, hakarak ba jogu ida ne’e la’ós jogu mak atu sai espasu ida ba belun, maibé ita nia amizade, no ksolok, no dame ida ne’e mak importante. Tanba nasaun hotu-hotu ne’ebé ko’alia lian portugés iha relasaun di’ak entre sira,
“Ha’u fiar katak, la haree ba rezultadu sira ne’e, espasu sobre ida ba maluk sira, ba iha dame, no ksolok. Ami haksolok hela iha ne’e, Timor Lorosa’e. Nasaun di’ak ida simu ita ho laran manas tebes.”
Jogu CPLP sai lisaun ida atu hametin relasaun entre nasaun sira. Ezemplu, iha ne’e iha Timor ema Caboverdiano barak. Iha timoroan sira ne’ebé hela iha Cabo Verde, Angolano sira ne’ebé mós iha ne’e, no ikus liu, Guiné-Bissau sira husi Santo Menzes. Fatin ida ba maluk, ksolok, no dame.
Atu hametin momentu di’ak ida hodi hametin relasaun. Dala ruma, Prezidente Repúblika Timor Lorosa’e, José Ramos-Horta, haree hela nia jogu, ida ne’e interesante tebes, no ida ne’e hatudu katak bele hametin relasaun sira entre povu sira. Entaun, oinsá ekipa ne’e halo fizikamente no emosionalmente jogu ne’e la’o to’o termina.
Timor Lorosa’e sai uma na’in ba jogu CPLP, ida ne’e mensajen ida atu diverte an, atu halo fraternizasaun, no atu kria lasu amizade di’ak entre ema hotu la’ós ba joven sira de’it, maibé mós ema ema hotu.
Jornalista : Chay Risky