Loluwari Media (Dili) – Komandu Polisia Nasionál Timor-Leste (PNTL) liuhusi Komandu operasaun Polísia Nasionál Timor-Leste (PNTL), Justino Menezes, informa, ho komandu Nasionál Falintil Forsa Defeza Timor-Leste (F-FDTL), realiza enkontru preliminariu planu operasaun ba eventu historiku ba komemorasaun Aniversariu loron Falintil ba dala 50 ne’ebé akontese iha 20 Agostu 2025.
“Ohin komandu PNTL liuhusi Komandu operasaun nasionál PNTL hamutuk ho komandu forsa defeza nasionál Timor-Leste, mai enkontru preliminariu kona-ba diretiva operasional ba planu operasaun ba eventu historiku hanesan loron Falintil ba dala 50, ne’ebé sei akontese iha 20 Agostu 2025, iha territóriu timor laran tomak”. dehan Komandu Operasaun Nasionál (PNTL), Justino Menezes, iha Komandu jerál Caicoli, sexta (08/08).
Alende iha enkontru ne’e mos halo apresentasaun diretiva operasaun ba komandante komandu munisipiu, komandu unidade, xefe departamentu no xefe gabinete sira fo orientasaun ne’ebé klaru kona-ba seguransa interna.
“Ohin ita apresenta kona-ba diretiva operasional ba ita nia komandante komandu munisipais no komandante komandu unidade no diresaun servisu sira xefe departamentu sira no xefe gabinete sira. Atu fo orientasaun ne’ebé klaru no tarefas ne’ebé klaru liliu parte seguransa interna nian.
hahu husi ita nia autoridade munisipais sira to’o nasionál, atividades lubuk ida ne’ebé maka komandu defeza trasa hamutuk ho entidades alta hodi komemora ita nia loron bo’ot sira ne’ebé balu hahú tiha ona fulan ida liu ba.
Agora mós la’o nafatin balu sei akontese aban no bairua to’o dia 20 liu mós sei akontese hodi fo valorizasaun ba ita loron historiku Falintil nian”.
Komandante Operasaun Falintil Forsa Defeza Timor-Leste (F-FDTL), Koronel, Joáo da Costa Esteves, dehan, komemorasaun aniversariu loron FALINTIL ba dala 50 ne’e la’os serimonia ba instituisaun F-FDTL, PNTL no Ministeriu Defesa (MD) hodi komemora loron 20 de Agostu ne’ebé ezistensia loron Falintil ba dala 50 iha territóriu Timor laran tomak.
“Serimonia ida ne’e la’os de’it ba instituisaun F-FDTL no PNTL no Ministeriu Defesa (MD) ne’e serimonia 20 de Agostu hodi komemora ezistensia Falintil ba tinan 50 ninian ne’e ba territóriu nasionál Timor oan tomak ba Timor-Leste tomak ne’ebé mak sei estabelese iha territóriu nasionál Timor-Leste ho atividade ka data ne’ebé mak definidu ona liuhusi aprovasaun 30 de Jullu ho rezolusaun governu nian ne’ebé maka munisípiu 6 sei realiza iha dia 18 husi parte Leste Lautém, Baucau, Viqueque, Manatuto no Manufahi inklui Liquiça no munisípiu sira seluk sei establese serimonia ida ne’e iha dia 19”.
Enkuantu, esepsaun husi munisípiu Dili mak sei hala’o serimonia loron 20 de Agostu no ezistensia loron Falintil ba dala 50 iha Tasi Tolu, nune’e sei iha misa agradesimentu ba loron Falintil sei hala’o iha munisípiu Aileu no dirije misa solene ida ne’e husi Bispo Dom Kardeal Virgilio do Carmo da Silva no entidade sira.
Jornalista : Anis