Loluwari Média (RAEOA) – Presidente Autoridade Rejiaun Administrativu Espesial Oe-Cusse Ambeno (RAEOA), Regio da Cruz Salu, promote sei prevé fundus ba empreza lokál sira atu halo empréstimu.
PA hatete,Autoridade sei kria fundus espesiál ida ba empregu sosial no dezenvolvimentu ekonómiku hodi hakbiit empreza lokál iha RAEOA.
“kriteria atu asesu ba fundus investimentu ida ne’e tenke liu husi instituisaun finanseira lokál sira Tanba grupu hirak ne’ebé iha Oe-cusse ne’e ita tau grupu ida naran Rai Osan ba Mudanca (Romanse)”Dehan Prezidente Autoridade RAEOA Regio da Crus Salu nia diskursu iha Palaban, Pante Makasar RAEOA, Kurta 24/09.
Tuir Nia,fundus ne’e atu grupu sira empresta osan ne’ebé boot hodi garantia ba sira nia rejilensia tanba instituisaun ne’e di’ak no boot ona.
Tanba ne’e,Benefisiariu 40% tenki ba iha feto industria hospitalidade no produtividade juventude iha setor privadu sira atu lori lalais TL hodi kompete iha merkadu rai liur.
“Ha’u sei harí Komisaun ida ba fundu ho rekezitu rigor no fo fiar ba kanalizassun ba grupu fornesedor ba fundu,Tanba sei harí sentru finanseiru ida ba grupu ki’ik, media ne’e mak lori zona ekonomia ida ne’ebe di’ak ba iha baze”
PA ne’e, apresia ba Mata Dalan Institutu (MDI) tanba tinan ida ne’e governu, sei apoiu programa empredorizmu iha RAEOA fokus atinjimentu indikador progresu.
“iha parte tolu primeiru aspektu hospitalidade no produtividade industria valor atu oferese kualidade iha kargu domestika ne’ebé garantia hijiene, formasaun sira muda hotu ba iha Postu Administrativu, ida ne’e mak prinsipiu poder lokál no dezentralizasaun empredorizmu tenki iha fuan”dehan nia.
Autridade RAEOA mós husu SEFOPE atu harí komisaun rejionál ida ba movimentu empredorizmu ne’ebé defini ona zona produsaun sira.
Iha Fatin hanesan Sekretari Estadu Formasaun Profisional Empregu (SEFOPE) Rogeiro Araújo Mendonça, hatete, kada tinan sempre konvida autroridade lokál sira hotu hodi bele partisipa iha programa SEFOPE.
“kada tinan ita identifika joven sira ne’ebé mak partisipa ona iha sentru formasaun no identifika tan inan-aman sira ne’ebé mak hakarak hasa’e produsaun iha sira nia suku no iha sira nia aldeia”dehan nia.
Tanba ne’e governu presiza identifika katak ema sira ne’e persiza duni apoiu finansiamentu ruma hodi bele suporta sira nia negosiu.
Entaun ida ne’e,Tuir Nia, importante tebes hodi governu identifika liu-husi meius sira ne’e governu bele apoiu fila-fali grupu sira ne’ebé maka presiza.
“2026 ita iha ona planu katak kada postu ita tenki aposta programa refere atu nune’e sira ne’ebé mak iha postu ne’e sira bele senti katak dezemvolvimentu ne’e la to’o de’it iha munisipiu maibé to’o hotu ba iha postu.”dehan nia.
Tanba ne’e kada grupu ida SEFOPE aloka osan ba benifisiaria rihun $4 mai kraik maibé SEFOPE haree depende ba iha proposta sira husi grupu depois haree mos ba fatin no ekipamentus ne’ebé mak sira presiza.
“Ha’u Senti orguilhu tebes, tanba ita haree joven iha Oe-Cusse hotu-hotu sempre hakarak ba tuir formasaun iha Dili”dehan nia.
Tan ne’e,SEFOPE sei hamutuk Prezidente Autroridade RAEOA halo investimentu ida ne’ebé mak iha balansu ba joven sira iha Oe-Cusse.
Jornalista : Chay Risky