Loluwari Média (RAOEA) – Manager Salon Nekaf Mese, Lorensia Colo, konsege emprega servisu ba jovens na’in lima.
Manejer ne’e hatete, Grupu ne’e harí’i iha 2024 ho objetivu atu ajuda joven ne’ebé la kontinua nia estudu tanba nesésidade familia la sufisiente.
“Ha’u nu’udar feto ida ha’u hakarak loke Salon ida ne’e atu ajuda ha’u nia maluk Feto no mane sira ne’ebé nia inan-aman laiha kbi’it atu ajuda sira hodi sira kontinua sira nia estudu”Dehan Manager Salon Nekaf Mese, Lorensia Colo, ba jornalista Média Tour iha Palaban Pante Makasar RAEOA, kuarta (25/09).
Molok servisu,Nia dehan,sei fó formasaun oinsa atu tesi mane nia fuuk no Tesi Feto nia fuk no dada feto nia fuk hodi sira bele hetan osan maske la barak maibe bele uza ba sira nia nessesidade.
Tuir Nia, dala-barak públiku nia intensaun Loke Salon ne’e ladiak maibé nia nafatin konsiente ho nia prinsipiu hodi ajuda maluk Oe-Cusse oan sira atu hetan osan maske osan neebe sira hetan kiik maibé bele uza ba sira nia nessesidade.
“Ami nia salon tesi mane nia fuk ema ida $ 2 dolar bainhira ami tesi feto nia fuk ema ida $ 5 dolar no ami nia kliente loron-loron sempre iha maibe la barak”dehan nia.
Bainhira loron boot,Nia dehan,mak hafoin ema barak dala-ruma bele hetan 30 dolar ba leten.
Nia esplika,Salon “Mekaf Mese” nia siknifika Neon ida laran ida atu servisu hamutuk ho maluk sira hotu hodi hetan osan ho membru hamutuk 5 kompostu husi feto 3 no mane nain 2.
“loron ida sira hetan rendimentu $ 10 dolar ba leten no bainhira loron boot ne’e sira hetan rendimentu diak loron ida bele hetan $ 30 ba leten”dehan nia.
Osan ne’e rai hamutuk hanesan kest to’o tinan ida ema ida hetan $ 400 dolar no osan sira la fahe no sei utiliza ba nesésidade Salon nian ne’ebé durante sira uza.
Alende ne’e,osan hirak ne’e tau hamutuk hodi fó ba ema empresta ho nia funan 10 % tanba iha fulan Agusto nia laran ema empresta ho nia funan hamutuk $ 4000 dolar.
“Ami nia salon nee hetan ona apoiu husi Governu liu-hosi SEFOPE ho osan montante $ 4150 dolares hodi ami sosa ba ami nia Ekipamentus Salon nian.”dehan nia
Durante sira loke salon hetan dezafiu mak membru sira foin aprende tesi fuk dala-ruma seidauk hatene tesi tuir modernu nian maibé sira nafatin esforsu atu lao neneik to’o di’ak.
Jornalista : Chay Risky