CAMSTL Loke Filmajen Istória TL Iha suku Uma Bocu, PA Barique-Natarbora

ByIlima'a

Sep 25, 2025

Ekipa Centro Audiovisual Max Stahl Timor-Leste (CAMSTL), loke filmajen istória Timor-Leste, iha suku Uma Boco,, imajen " Anis

Loluwari Media (Natarbora) – Ekipa Centro Audiovisual Max Stahl Timor-Leste (CAMSTL), loke filmajen istória Timor-Leste, iha suku Uma Boco, postu administrativu Barique-Natarbora, munisípiu Manatuto, CAMSTL liuhusi Departamentu Media no Produsaun ne’ebé durante arquiva no prezerva.

Projesaun filme istória ba públiku ne’e realiza iha ámbitu programa diálogu komunitária entre komunidade, sosiedade sivíl no governu Dasia (IX) ho tema sentrál “Haforsa Jestaun Fundu Petrolíferu ho efisiénsia, efikásia, reziliente no sustentável ba moris di’ak povu Timor-Leste.

Filmajen istória ne’ebé Centro Audiovisual Max Stahl Timor-Leste (CAMSTL), loke ba públiku mak, Memória Max Stahl, Rejistir e Vencer!, no Blockade.

Koordenadór Media no Produsaun CAMSTL, Rogerio Cardoso Neves, hatete, CAMSTL sente onradu tanba FONGTIL bele fó espasu importante ida ne’e ba CAMSTL transmite filme istória ne’ebé durante ne’e arquiva no prezerva iha CAMSTL ba komunidade sira, liliu joven sira atu hatene istória rezisténsia/ luta libertasaun nasionál Timor-Leste ba sira, liliu komunidade Postu Barique-Natarbora, suku Uma-Boco.

“Ha’u sente onradu tanba FONGTIL fo espasu ba CAMSTL hodi loke filmajen istoriku durante CAMSTL arquivu hela, Filmajen istória ne’e la’os apenas filmajen de’it maibé ne’e valores ida ne’ebé ita transmite hodi hakle’an ema hotu nia koñesimentu kona-ba povu rai ne’e nia sakrifisiu, abnegasaun no totalidade hodi konkista fila-fali sira nia direitu ba ukun rasik a’an ne’ebé durante tinan barak nia laran ema la rekuinese”. dehan koordenadór media no Produsaun CAMSTL iha kampu futeból suku uma Boco-Natarbora, kinta (25/09).

Arquivu CAMSTL, funda husi jornalista Britániku Saudozu Max Stahl iha 2003 atu prezerva no arquiva filme dokumentasaun luta libertasaun nasionál. Entretantu jornalista Max Stahl hakotu is iha 28 Outobru 2021, iha Australia no halot iha semitériu Santa Cruz-Dili, fatin ne’ebé nia filma akontesimentu masakre santa cruz 12 Novembru 1991.

Tu’ir observasaun loluwari.tl iha terrenu komunidade entuziazmu tebes hodi akompaña filmajen istória ne’ebé ekipa CAMSTL loke, partisipa iha projesaun filme istória ne’e mai husi autoridade lokál, eskuadra polísia Nasionál Timor-Leste (PNTL) Natarbora nian ho komunidade ferik, katuas, sosiedade sivíl no joven lubuk ida iha suku Uma-Boco, postu administrativu Barique-Natarbora.

Jornalista : Anis

Post Views: 1,599

By Ilima'a

Profile Loluwari Media online Loluwari media Online nudar instituisaun midia ida, ne’ebé hala’o nia atividade konaba partilla informasaun ba publiku, iha kapital Dili. Iha suku vila verde postu administrativu Vera Cruz. Loluwari.com foku partilla informasaun atual sira ne’ebé akontese kada loron iha rai laran, liliu preokupasaun publiku nian iha area remotas to’o iha nivel nasional. Loluwari media online hahu nia atividade hodi pasa informasaun iha situasaun estadu emerjensia daruak metade fulan maiu tinan 2020. Maske nune’e loluwari Media online foin mak hetan lisensa husi servisu rejistu verifikasaun emprezarial Institutu publiku SERVE, IP husi kompania LOLUWARI IRA, LDA iha loron 30 fulan junu tinan 2020, ho nia lisensa operasional 1322586. Bazeia ba lei komunikasaun social artigu 40 no 41 konaba liberdade imprensa no liberdade espresaun sidadaun hotu iha direitu atu expresa sira hanoin tuir dever no obrigasaun ne’ebé la viola ema seluk nia liberdade. Inisiativa hari’i Loluwari Media Online, tanba ejensensia konsellu imprensa nian konaba publikasaun informasaun ne’ebé fo sai ba publiku tenke tama kategoria konsellu imprensa nian, no instituisaun media sira atu publika informasaun tuir lei komunikasaun social no komunga kodegu etika jornalistika ne’e sai ukunfuan ba jornalista sira hala’o kna’ar. Instituisaun media sira nia papel partilla informasaun ba publiku liuhusi publikasaun lorloron ho meius komunikasaun social sira kompostu husi media elektronika, media imprime no media online. Ne’ebé publikasaun informasaun sira laiha intervensaun husi media nain sira ho intensaun politika no ekonomia. Loluwari Media Online nudar instituisaun media privadu ne’ebé eziste atu publika informasaun tuir padraun Konsellu Imprensa no mos asosiaun jornalsita sira hanesan Timor Leste Press Union TLPU, Asosiaun Jornalista Timor Leste ne’ebé sai matadalan ba kna’ar media sira. Loluwari media online nudar instituisaun media ho orientasaun lukrutivu hanesan media privadu ne’ebé loke kampu servisu ba an rasik iha era agora hodi redus desempregu iha rai laran. Rendementu ne’ebé loluwari hetan sei mai husi iklan husi parseiru sira hanesan governu, seitor privadu sira seluk opiniaun no meius seluk. Atu fasilita salariu ba nia membru sira ne’ebé mak emprega aan iha Loluwari Media Online. Buat seluk ne’ebé la mesiona sei kesi iha regulamentu internu kompania nian ho rigorozu. Vizaun no Misaun Vizaun • Nudar referensia ne’ebé inspira leitor sira liliu publiku nia prepetiva konaba informasaun ne’ebé adekuadu iha era global ba liberdade publiku nia atu konsumu informasaun. Misaun • Informasaun ne’ebé ho tipu edukativu nudar kontrolu sosial ba publiku. • Partilla informasaun iha teritoriu tomak kobre informasaun atual akontesementu atual iha area edukasaun saude ekonomia, agrikultura no seitor produtivus sira. • Hamri’ik ho Forma rasik atu pasa informasaun iha politika redasaun no editorial ne’ebé tuir matadalan kodegu etika jornalistiku. • Produz nutisia ne’ebé independent no livre husi presaun politika no ekonomia maibe firme publika informasaun ho balansu no diferenti. • Produtu informasaun ne’ebé kualidade Strutura redasaun Xefe Redasaun : Cesar Pires Kordendor Kobertura : Alberto Pires Sekretaria Redasaun : Fernando da Costa Redaksi: Herminio Cardoso, Fernando da Costa, Alberto Pires, Sergio da Cruz, Elio da Costa, Estevão Nunu, Diretór Kompania Loluwari Ira, LDA : Herminio Cardoso Manajer Iklan/Marketing: Hernania Febriani Soares Cardoso Finansa : Otilia Caldas IT/Web: Benigno Aquino Campos, Salis Cardoso Office : Lemorai, Vila Verde, Vera Cruz, Dili, Timor Leste. phone: 74327856 (WA/SMS) fanpage facebook : loluwari media online email : cesarpires046@gmail.com

Defesa no Seguransa Municipio