Loluwari Média (Díli) – Embaixada Xiña iha Timor-Leste kontinua halo kooperasaun di’ak ho Polísia Nasionál Timor-Leste (PNTL) hodi garante seguransa iha Timor-Leste liu-liu ba komunidade xinezas sira.
Emvaixadór Xiña iha TL Abwang Wenli hatete,Embaixadór xiña ho PNTL halo enkontru Tripartidaria ba dala tolu hodi hametin liutan komunikasaun entre Embaixadór xiña ho Autoridade Seguransa PNTL.
“Ami espera katak ita nia seguransa sei lao di’ak hodi garantia paz no estabilidade iha Timor-Leste tanba Pás no Estabilidade ne’e importante tebes liu-liu mós ba komunidade xineza ne’ebé halao nia negosiu iha Timor-Leste” Dehan Embaixadór China Wang Wenli ba Jornalista sira hafoin Enkontru Datoluk ho PNTL iha Embaixadór China, Sesta (16/01).
Emabaixadór Xiña iha TL espera katak Autoridade Seguransa PNTL sei tau matan mós ba Komunidade Sineza sira ne’ebé halao negosiu iha TL atu nune’e komunidade Sineza bele moris ho hakmatek hodi halao nia servisu.
“Ami mós rekomenda katak Autoridade seguransa PNTL sei fó formasaun ba Komunidade Sineza sira ne’ebé buka moris iha Timor-Leste”dehan nia
Liu-husi mekanizmu ida ne’e,Nia dehan,Embaixadór Xiña mós sei rejolve ona problema iha merkadu maliana tanba komunidade xineza no Membru Asosiasaun Sineza nia komunikasaun ba Autoridade Seguransa PNTL ne’e importante atu bele sira moris ho seguru iha Timor-Leste.
Organizasaun no Asosiasaun Sineza iha Timor-Leste nafatin agradese ba autoridade seguransa PNTL tanba iha komunikasaun ne’ebé di’ak no sira espera situasaun iha Timor-Leste buat hotu lao di’ak.
“Ami mós rekomenda no fó hanoin ba ami nia komunidade Sineza sira ne’ebé halao nia negosiu iha Timor-Leste atu bele respeita Lisan no Kultura Timor-Leste nian no sai mós hanaran komunidade Timoroan hodi fó apoiu ba moris Timor-Leste nian.”dehan nia.
Iha Fatin hanesan Komadante Jerál Polísia Nasionál Timor-Leste (PNTL), Komisáriu Jerál Polísia Henrique da Costa hatete, Autoridade Seguransa PNTL ho Embaixadór Xiña ne’e ba datoluk ona atu ko’alia kona-ba komunidade Sineza iha Timor-Leste.
“Ohin ami nia Enkontru ami fó hanoin ba sira katak Prezensa imi nian mai iha TL fó nia kontribuisaun bo’ot mai TL no liu-liu ba ita nia dezenvolvimentu no kria kampu traballu ba Timor oan sira.”
Tuir Nia,Autoridade Seguransa PNTL sei garante seguransa laos de’it ba komunidade Timor-Leste maibé mós ba komunidade xineza sira atu nune’e sira sente seguru hodi kontinua nafatin investe iha TL.
“Tanba ne’e ita presiza kria ita nia komunikasaun di’ak para fasil ba sira bele komunika mai Polísia ho lalais no di’ak”dehan nia.
Tanba ne’e PNTL fó nia numeru kontaktu emerjénsia ba komunidade xineza sira fasil atu komunika ba iha Polísia atu nune’e Polísia bele responde lalais situasaun emerjensia.
Embaixadór Xiña mós husu ba PNTL atu bele halo movimentu ba iha komunidade xiñeza sira nia loja tantu iha loron no kalan tanba sira nia lona barak mak ema naok sasan iha tempu kalan.
“ami sei halo Patroillamentu kalan ba loja xineza sira no ami sei haree tuir CCTV sira ne’ebé iha hodi buka tuir Autór sira ne’ebé tenta atu nauk Xineza sira nia sasan.”dehan nia.
Jornalista : Cesar Pires
Editór : Herminio Cardoso