Loluwari Média (Díli) – Reprezentante Xefe Estadu Maiór Jenerál Falintil Forsa Defeza Timor-Leste (F-FDTL), Xefe Gabinete Xefe Estadu, Maiór Jenerál Coronel, Marcelino Ximenes “Rizai” hatete, Ministériu Saúde hakarak fo hanoin bebeik ba Feto Militár no Espoza Militár sira oinsa sira labele hetan moras kankru.
“Ita nia Agradese ba Ministériu Saúde bele mai fó informasaun ba femenina Militár sira iha Instituisaun F-FDTL ida ne’e ho imi nia laran di’ak imi bele mai fahe informasaun ba feto Militár sira tanba agora moras kankru daet ba bebeik.”deha nia ba jornalista sira iha Kuartel General Fatuhada Díli, Segunda (23/03).
Nia dehan,Ministériu Saúde Servisu hamutuk ho Militár Saúde sira atu bele kombate moras kankru iha Instituisaun F-FDTL.
“Ita hotu hatene katak moras kankru Sivikál mak inimigu bo’ot ba feto sira iha mundu tanba problema bo’ot ne’ebé ita hasoru durante ne’e mak menus informasaun ba inan sira no barak mak seidauk hatene saida mak moras kankru”dehan nia.
Tanba ne’e husu ba Militár sira atu bele akompaña didi’ak husi Ministériu Saúde ne’ebé fahe informasaun kona-ba moras kankru sira ne’e.
Dala barak inan feton sira barak mak nonok no moe hodi subar sira nia moras la hateten sai to’o ikus bele lakon sira nia vida dala barak sira nia inan-aman mós la fó hatene inklui nia kaben sira so ida ne’e mak hamate inan feton sira barak.
“Tanba durante ne’e ita nia inan feton sira barak mak lakon vida tanba sira subar nia moras la ba hospitál no dala-ruma hein iha uma to’o lakon vida tanba ne’e ita halo prevensaun duke kura.”dehan nia.
Bainhira ba Konsulta iha Hospitál mak doutór sira bele detekta moras maibé see subar moras mak sei selu ho sira nia isin.
“Ha’u husu ba Inan feton sira keta tauk maibé ko’alia sai imi nia moras ba Saúde sira atu nune’e sira bele deskobre imi nia moras hodi bele hetan tratamentu”dehan nia.
Diretora Jerál Kuidadu Saúde Primaria, Elisabeth Leto Mau hatete, aktividade ne’e oinsa atu kombate moras kankru ne’ebé hahu sirkula ona iha 2024.
“Ohin ita halo rastreu ba kankru susun ne’ebé ita fó atensaun ba feto Militár no familia Militár sira tanba papel Feto iha Forsa Militár ne’e laos atu Defende Nasaun maibé feto mak inan ne’ebé kous jerasaun ba oin.”dehan nia.
Papel Feto iha responsabilidade rua mak Servisu ba Nasaun no mós kuidadu familia tanba ne’e feto nia Saúde ne’e prioridade ida ne’ebé labele haluha tanba feto saudavel mak sei bele dezempeña nia papel ho di’ak iha familia no Instituisaun.
“Feto ida ne’ebé mak livre husi moras kankru Susun mak nia sei fo nia Kontribuisaun makas ba instituisaun no ba nasaun tanba moras kankru ne’ebé detekta sedu mak sei hetan tratamentu fasil no sei ija rejultadu ne’ebé diak.”
Bainhira familia saudavel no forti mak sai Fundasaun ba nasun ida ne’ebé forte tanba ne’e enkoraja feto Militár nia papel importante iha Instituisaun no nasun tanba ne’e kuidadu nia Saúde hodi servisu iha Instituisaun hodi servi nasaun.
Jornalista : Cesar Pires
Editór : Herminio Cardos