Loluwari Média (Díli) – Centru Nasionál Chega Institutu Públiku (CNC.Ip) loke feira kona-ba komemorasaun tinan 27 Masákre ne’ebé akontese iha rezidénsia Manuel Carrascalão iha tinan 1999.
Tanba ne’e, Diretór Ezekutivu CNC.Ip Hugo Maria Fernandes hatete,, komemorasaun ne’e la’ós de’it momentu triste, maibé mós oportunidade ba Estudante Universitáriu atu aprende no hatene história.
“Ita halo eventu ida-ne’e nu’udar asaun aprende lisaun ida, Ita konvida estudante sekundáriu no universitáriu sira atu sira bele mai rona no sente direitamente esperiénsia pasadu nian husi sasin sira,” dehan nia ba jornalista sira iha Prijaun Antigo Balide Dili, Sesta (17/04).
Iha komemorasaun ne’e, CNC hala’o atividade tolu ne’ebé foka ba edukasaun mak hanesan;feira livru atu fó asesu ba estudante sira kona-ba livru istória TL nian,segundu,partilla esperiénsia apresentasaun husi péritu sira, hanesan Profesór Elídio husi ISFIT ne’ebé enkoraja joven sira hakerek istória, no Gil Soares ne’ebé fahe esperiénsia hakerek memória pasadu iha forma novela.
No terseiru mak vizita ba fatin históriku,lori estudante sira vizita fatin sira ne’ebé iha valór istóriku iha kapitál Dili laran.
Nia haktuir, iha loron 17 Abríl 1999, milísia sira ataka rezidénsia Manuel Carrascalão ne’ebé sai fatin protesaun ba populasaun husi Liquiçá, Maubara, no Bazartete.
Tanba Iha masakre ne’e, ema barak mak lakon sira nia vida, inklui Manuelito Carrascalão,oan mane husi Manuel Carrascalão,ne’ebé mate tanba koko proteje populasaun.
Estudante UNPAZ Juviano de Jesus.Foto (Quintão dos Santos ).
hatete,partisipasaun ne’e importante tebes tanba bele aprende istória pasadu sira ne’ebé akontese iha dékada rua ba kotuk.
“Ita tenke hatene istória,se ita la hatene istória sira ne’e,timoroan ne’ebé di’ak tenke hatene ninia istória rasik”dehan nia.
Adriano da Costa nu’udar mós estudante Administrasaun Públika UNPAZ, konsidera loron ne’e nu’udar momentu ba joven sira atu refleta memória pasadu.
Loron 17 Abríl ne’e fó hanoin fali kona-ba okupasaun Indonézia nian. halibur malu fahe ideia no aprende hamutuk, atu bele transforma fali ba kolega sira seluk.
Eventu ne’e CNC.IP hamutuk ho sobrevivente,estudante sira no familia sira hodi fó hanoin hikas momentu trájiku 17 Abríl para atu eduka jerasaun foun kona-ba istória luta libertasaun nasionál.
Entretantu Atividade ne’e CNC.Ip kria liu-husi parseria ho instituisaun sira hanesan Universidade, Fundasaun Oriente, no Xanana Reading Room, hodi promove fali kultura lee ba estudante sira.
Jornalista Estajiáriu: Quintão Dos Santos
Editór: Herminio Cardoso