Loluwari Media (Dili) – Segundu Komandante Jerál Polísia Nasionál Timor-Leste (PNTL) apela ba feto sira ne’ebé hakarak sai polísia tenke prepara aan hodi aprende Informasaun Téknolojia para hodi kombate kríme eletróniku.
Segundu Komandante Jerál Asistente PNTL, Komisária Asistente Naterisia Soares Martins,feto sira tenke prepara kapasita aan di’ak liu kona-ba IT atu hasoru krime sibernétiku iha TL.
Tanba PNTL agora presiza pesoál espesializadu liu-husi rekrutamentu báziku atu hala’o funsaun investigasaun, polísia komunitária, tránzitu no seguransa rodoviária.
“Ha’u nia Mensajen liu-liu ba feto sira hodi prepara an nune’e bele halo mós responsabilidade hanesan polisia sira liu-liu polisia feto, primeiru mak ne’e tau importansia imi ninia edukasaun sira tenke haree ba oin tanba ita sei hasoru dezafius barak dezafiu ida ne’ebé ita hasoru mak kapasidade atu detekta krimi Sira ne’ebe utiliza teknolojia” dehan nia ba Jornalista sira iha iha Palásiu Prezidensiál Bairru-Pite Dili, Sexta (17/04)
Entaun,Nia informa,prosesu aprendizajen ne’e importante sei remata eskola sekudaria mak sei kontinua, foti eskola Sira ne’ebé maka iha relasaun atu hasoru dezafiu Sira ne’e hanesan IT teknolojia infromatika Kona-ba jestaun finansas no buat Sira seluk.
Tanba ne’e hanesan ejizensia ida ba instituisaun polisia rasik laos de’it rekrutamentu baziku para atu bele halo funsaun instituisaun, polisia nia funsaun iha lima mak Investigasaun,konesimentu komunitaria,Transito seguransa rodaviaria no mos rua seluk Tan.
“maibe oinsa Mak atu hetan pesoál sira ne’ebé mak prontu kapasitadu atu halao servisu sira espesializasaun halai Liu ba IT atu dehan haree Liu Kona ba krimi Ema dehan cyberCrime buat sira ne’e krimi eletronika”
“Ha’u nia mensajen mak ne’e konsentra estuda no lee barak labele gasta Tempu ho Facebook media sosiál Ida ne’ebé mak labele kontribui fó apoiu ba ita nia dezenvolvimentu no koñesiementu Kona-ba situasaun globál”dehan nia.
Nia dehan,idade hanesan Komjer segundu besik dadaun atu tama iha reforma,entaun presiza jovens sira liu-liu feto sira ne’ebé iha potensiál para atu bele kontinua instituisaun PNTL ba oin.
“hakarak tebes atu sai polisia sira Mak sei substitui i dezenvolvimentu ba oin persija ema ne’ebé matenek hodi hasoru dezafiu ne’ebé Mak ohin ko’alia ona ameasas”dehan nia.
Tanba TL identifika vulneravel tebes hanesan presidente repúblika temi TL laiha krime organizadu maibé vulneravel,TL ne’e vulnerabel ba hetan ameasa husi krime Ida.
Jornalista Estajiária : Ivonia dos santos/Arcângela dos Santos
Editór : Herminio Cardoso