Loluwari Média (Díli) – Novidade triste ne’ebé la espera atu akontese iha instituisaun estadu,Ministériu Ensiñu Superiór Siénsia no Kultura kolmera Dili,José Honório da Costa Pereira Jerónimo nu’udar membru governu nono Governu Konstitusionál.
Matebian hakotu iis tanba hetan atakasaun kardiaku iha nia knaar fatin ne’ebé lori ba Hospitál Nasionál Guido Valadares iha oras tuku 1 liu minutu balun maibé la konsege salva.
Tan ne’e bainhira Matebian nia maun ne’ebé mós eis Ministru MAPKOMS iha VIII nia tempu,Francisco Martins da Costa Pereira Jerónimo rona no to’o kedas ba ospitál haree nia Alin iis laek ona.
Nia dehan,Hanesan maun sente triste ne’ebé lakon nia alin rasik ho nia maun-alin na’in lima seluk.
“Ami hela de’it ona mane na’in haat ho feton rua inan-aman mate hotu ona,ha’u mak hanesan maun boot,Ohin triste tanba lakon tan nia (matebian) ke la espera,prontu ida ne’e Maromak nia planu,ami mós labele kontra,maibé prontu ami simu realidade ami mai para haree atu lori fali nia isin (mate) ba Likisa”dehan nia ho matan-been iha HNGV (21/04).
Matebian mós involve iha Partidu Demokrátiku (PD) asume kargu hanesan prezidente partidu Munisípiu PD iha Liquiça.
Familia kompaineru PD,no membru governu sira ne’ebé husi Lidera Primeiru Ministru Kay Rala Xanana Gusmão,membru PN,funsionáriu MSSK hotu-hotu triste tanba lakon figura ne’ebé durante ne’e servi ho responsabilidade.
Tuir Biografia,Matebian Ministeu Ensiñu Superiór Siénsia no Kultura José Honério da Costa Pereira Jerónimo moris iha Bazartete, Munisípiu Liquica, iha loron 15 fulan-fevereiru tinan 1973.
Iha tinan 2001, nia hetan graduasaun iha Estudu Dezenvolvimentu husi Institutu Teknolojia no Siénsia Mandala iha Indonézia.
Nia kompleta ninia Mestradu iha Estudu Dezenvolvimentu iha Universidade Kristen Satya Wacana, Salatiga, Indonézia, iha tinan 2010.
No nia Hahú tinan 2001, sai nu’udar dosente iha Fakuldade Ekonomia, Departamentu Estudu Ekonomia no Dezenvolvimentu, iha Universidade Nasionál Timor-Leste (UNTL), universidade públika úniku iha Timor-Leste.
Kaer kargu xefia oin-oin iha UNTL, mak hanesan Xefe Departamentu Ekonomia no Estudu Dezenvolvimentu (2004-2006), Dekanu Fakuldade Ekonomia (2006-2008), Vise-Dekanu Asuntu Estudante iha Fakuldade Ekonomia no Jestaun (2011-2013), Retor Administrasaun no Finansas (2016-2020) no Pro-Reitór Inspesaun, Auditoria no Kontrolu Kualidade (2021-2023).
Husi tinan 2015 to’o 2016,nu’udar membru Konsellu Jerál UNTL.
Nia hala’o kna’ar nu’udar Adidu Komérsiu iha Embaixada Repúblika Demokrátika Timor-Leste iha Jakarta, Indonézia (2013-2015) ho nomeasaun husi Sua Exelénsia nu’udar Ministru Komérsiu no Indústria Governu Konstitusionál dalima.
Hahú hosi tinan 1994, sai hanesan membru hosi organizasaun estudante “Rezisténsia Nasional Estudante Timor-Leste” (RENETIL), ne’ebé harii iha tinan 1988 hosi estudante timoroan sira iha Indonézia ho objetivu atu luta ba independénsia Timor-Leste nian.
Iha loron 1 fulan-jullu tinan 2023, nia simu pose nu’udar Ministru Ensinu Superiór, Siénsia no Kultura hosi Governu Konstitusionál IX RDTL nian, hodi sai responsavel ba konsepsaun, ezekusaun, koordenasaun no avaliasaun polítika nian ba área sira ensinu superiór no kualifikasaun nian.
No mós ba área sira siénsia no teknolojia nian. Universidade Nasionál Timor-Leste, Institutu Politékniku Betano, Institutu Nasionál Siénsia no Teknolojia, no Ajénsia Nasionál ba Avaliasaun no Akreditasaun Akadémika, I.P., iha ninia autoridade nia okos.
Jornalista Estajiária : Arcângela dos Santos
Editór : Herminio Cardoso