Loluwari Média (Maubisse) – Konsellu Imprensa (KI) fasilita fó kapasitasaun investigativu ba Jornalista sira hamutuk na’in 20 ho tema”Uncoverning the Truth Strengthening Investigative Journalism Strengthening Media’s Watchdog Role” ne’ebé realiza iha Hotel Sara Postu Administrativu Maubesi Munisipiu Ainaro
Diretor Ezekutivu Konsellu Imprensa António Dias hatete formasaun ne’e hodi fasilita jornalista sira nia kapasidade iha área Investigativu durante loron 5 iha Maubisse.
“Ita hotu hatene ita nia Primeiru Ministru Kayrala Xanana Gusmão haree katak iha nesesidade atu fó formasaun ba ita nia jornalista sira,laos Jornalista Timor Leste lahatene buat ida mais tanba situasaun agora estadu iha osan oituan fasilita ita boot sira atu hasae kualidade informasaun”dehan nia iha treinamentu Investigativu iha Salau Sara Maubesi Vila, segunda (20/04).
Nia informa,kualidade Imprensa iha TL sei sai kestaun boot ba ema hotu-hotu ko’alia, dala-barak PM rasik ko’alia no Públiku nia opsaun tanba ne’e mak nonu governu prevé osan ba KI atu fó formasaun ba Jornalista investigativu.
“ho kestaun hirak ne’e hotu, ita halo Formasaun Investigativu iha Maubesi hamutuk ho formadór Baskoro mai husi Media TEMPO husi Indonézia”dehan nia.
Diferente Jornalista sira kaer telefone ho notisia Investigativu,jonalista nia kuriosidade ne’e valór kualidade aas liu iha jornalizmu, entaun ho korazen sira ne’ebé mak formadór fó ba formandu sira bele transforma ba servisu lor-loron atu halo notisia.
Tanba ne’e husu jornalista sira ne’ebé mak partisipa iha treinamentu ne’e atu aproveita didiak durante loron lima nia laran hodi bele hatene notisia investigativu.
“Ita boot sira ne’ebé tuir formasaun ne’e sei fahe buat ne’ebé imi aprende ona ba imi nia kolega sira seluk no transforma ba imi nia servisu sira, depois ho imi nia korazen tanba ho espiritu jornalizmu nian ho etika ne’ebé imi aprende produz obra jornalistiku sira ne’ebé iha impaktu bo’ot ba ita nia sosiedade”dehan nia
Iha fatin hanesan, Konselleru Konsellu Imprensa Juaquim De Fatima Coutinho husu Jornalista sira atu aproveita treinamentu Investigativu ida ne’e ho di’ak para bele eleva di’ak liu servisu.
“Hau husu ba kolega sira balu husi Díli balun husi munisípiu no kolega jornalista sira iha Maubesi atu aproveita didiak treinamentu ida ne’e para fila husi fatin ne’e ba halo kobertura karik tenke klean ho investigativu”dehan nia.
Formasaun ne’e parte ida husi formasaun sira seluk ne’ebé apoiu orsamentu subvensaun husi Primeiru-Ministru Xanana Gusmão ho montante US$200,000.00 ba KI iha Orsamentu Jerál Estadu (OJE) 2026.
Formadór Media Tempo, Bus koro husu atu Sai jornalista Profisional tenke brani no defende buat loos ba públiku bainhira halo kazu Investigativu tenke servisu ho ekipa.
“Ha’u husu ba imi sai Jornalista nafatin loialidade ba publiku hodi hetan informasaun kona-ba dokumentus prinsípal maibé sai jornalista Investigativu tenke iha nia maineira rasik oinsa halo (lobih) atu hetan Dokumentus prinsípal labele servisu mesak maibé presija mós servisu ekipa tanba ita nia vida mós importante”dehan nia.
Formasaun ne’e inisiativa husi nono Governu Konstitusionál ne’ebé apoiu orsamentu ho montante rihun atus rua dólar amerikanu ($200.000.00) ba Konsellu Imprensa hodi fasilita Formasaun jornalizmu investigativu ba Jornalista sira.
Jornalista na’in 20 ne’ebé dahuluk tuir treinamentu iha Maubessi kompostu husi Media Loluwari.tl, Rafa & NTV, Rttl,ep, STL, Hatutan, Dili Post, SapnewsTL, Media Mudansa, Média Demokrasi, Media Lian Orluli Radio Racom Maulok, Radio Komunidade Komoro, Radio Maubessi, Radio Liberdade, ho Media DFM inklui TimorPost maibé la konsege tuir.
Jornalista : Cesar Pires
Editór : Herminio Cardoso