Loluwari Média (Díli) – Eis-Prezidente Repúblika (PR), Taur Matan Ruak nia hako’ak ikus bainhira halo tratamentu saúde mós ho saudozu Eis Prezidente Repúblika Francisco Guterres “Lú-Olo” iha Malaysia.
Bainhira hako’ak ikus, Taur Matan Ruak nia Lia-menon ba nia maluk Luta na’in “Lú-Olo” hanesan domin ikus nian katak tenke fahe malu dunik ho destinu planu Maromak nian.
“Iha momentu saudozu Francisco Guterres Lú-Olo, ba Hospitál ami na’in rua ba hotu Hospitál, nia hela ha’u fila, antes ha’u fila ha’u hameno lia-fuan ida katak ‘ami hotu la haluha nia, ami hamutuk ho nia nafatin’, saida de’it mak mai ami simu nafatin iha momentu (ne’eba) ami hakuak ikus” Dehan Eis-Prezidente Repúblika (PR), Taur Matan Ruak ba jornalista iha Maktoban nia rezidénsia Farol Díli, Tersa (23/06).
Taur Matan Ruak, sente triste tanba lakon ona nia maluk Luta na’in Francisco Guterres Lú-Olo, ne’ebé husik hela kanek no naha todan povu nian ba sira ne’ebé sei moris.
Hafoin kadáver saudozu Francisco Guterres “Lú-Olo” to’o iha Aeroportu Internasionál Nicolau Lobato Comoro Dili, membru governu, deputadu, eis Titulares no povu tomak hambriik hein iha estrada hodi simu no tanis ho matan-been.
“Ohin povu tomak mai konsentra iha ne’e atu fó homenagen no halo orasaun ba nia atu nune’e nia klamar bele hetan fatin di’ak iha moris rohan laek, ita sira ne’ebé sei moris lori ita nia moris ba oin, ba nia hotu ona, maibé ba ita sei todan tanba buat hotu ninian nia lori lisuk no tutur ba ona rai hela kanek ne’e mai ita liu-liu ba imi jerasaun foun sira”deha Taur.
Faluk ho oan ki’ak saudozu Fracisco Guterres “Lú-Olo”.FOTO(Cesar Pires).
Timor lakon nia ema di’ak ida saudozu Francisco Guterres “Lú-Olo” ema ida ne’ebé disiplinadu,maibé dalan mak ida ne’e duni distinu sempre hafahe malu,maibé Taur fó obrigadu ba Saudozu Francisco Guterres Lú-Olo tanba nia kontribuisaun ba rai no povu ida ne’e la hotu.
Tanba ne’e Taur informa,lider sira tenke hamutuk atu kombate povu nia moris kiak no mukit hodi lori nasaun ne’e ba oin tanba povu barak mak sei moris kiak no mukit.
“Tanba ne’e mak ami ne’ebé mai husi Ai-laran, ami espresa ami nia sentimentu bo’ot no profunda ba feto faluk no oan kiak, sira sira la mesak ami hotu iha sira nia sorin”dehan nia.
Saudozu Francisco Guterres “Lú-Olo” rai hela fitar ida ba lider sira seluk ne’ebé sei moris ho nia aten brani no disiplinã sai exemplar ba lider sira hotu-hotu atu bele haree povu ida ne’e ho di’ak, ida ne’ebé ladiak halakon no halo buat ne’ebé diak ba jerasaun foun sira.
Saudozu nia hakat ikus ona,povu nia halerik tula hela ba lider sira ne’ebé sei moris.
Adeus,,,,,,,Adeus,,,,,,,,Adeus…….. grande heroi “Lú-Olo” “A morte é certa na hora e incerta”
Jornalista : Cesar Pires
Editór : Herminio Cardoso