Loluwari Média (Díli) – Komunidade sira Musulmanu ne’ebé sente triste tanba saudozu Francisco Guterres Lú-Olo sai lider ezemplar ba ema hotu ne’ebé komunidade musulmanu mós sente saudozu nia domin durante sei moris.
Tanba ne’e,Presidente Konsellu Kurativu Fundasaun Musulmanu iha TL Adullah Said Sagran hatete, Povu hotu-hotu liu-liu Povu Musulmanu iha Timor-Leste mós lakon lider di’ak ida Francisco Guterres Lú-Olo.
“Ohin loron povu hotu-hotu inklui povu Musulmanu iha Timor-Leste sente triste tanba ita lakon ita nia lider di’ak ida, tanba ne’e mak ami ohin mai fó presta homenajen ba ita nia lider Francisco Guterres Lú-Olo.” Dehan Presidente Konsellu Kurador Fundasaun Musulmanu iha Timor-Leste ba jornalista sira iha Maktoban nia rezidénsia Farol Díli, kuarta (24/06).
Nia dehan, Família Musulmanu mós sei halo orasaun ba saudozu Francisco Guterres Lú-Olo atu hetan fatin di’ak iha na’in nia kadunan santu no mós ba Feto faluk oan Ki’ak sira nia moris.
Nia informa,saudozu Francisco Guterres Lú-Olo nia komportamentu ema lider ida ne’ebé furak tebes nunka hateten at ba ema maibé nafatin ho oin midar no hamnasa midar ba ema hotu-hotu liu-liu nia adversáriu politika sira.
“Ida ne’e sai ezemplar d’iak ba jerasaun foun sira liu-liu iha nasaun Timor-Leste ida ne’e ami reza nafatin ba família liu-liu Feto faluk Oan Ki’ak atu simu realidade ne’ebé iha”dehan nia.
Jornalista : Cesar Pires
Editór : Herminio Cardoso