Loluwari Média (Díli) – Ra’es Hadomi Timor Oan (RHTO) hala’o Workshop ida diskusaun kona-ba planu mestre ASEAN nian ba ema defisiénsia sira iha Timor-Leste.Diretór Ra’es Hadomi Timor Oan (RHTO) Joaozito Dos Santos hatete,Workshop ne’e foka liu planu mestre tinan 2025 nian iha ASEAN hotu liu-liu dezenvolvimentu ema ho Defisiénsia sira.
“Ita nia Workshop Enabling Masterplan kona-ba ASEAN inter-governamentál ba ema ho Defiseinte sira ne’e importante tebes ba ita atu fahe esperiénsia kona-ba oinsa ASEAN bele harii no garante lei asensibilidade ba ema ho Defiseinte sira”dehan nia ba jornalista sira iha Hotel Novu Turismu Díli, kinta (02/07).
ASEAN,Nia dehan,agora dadaun iha prosesu dezenvolve kona-ba planu mestre nian oinsa atu fó rekomendasaun oinsa mak ASEAN bele harii lei hodi garantia asensibilidade ema ho Difiseinte sira.
Tanba RHTO nuu’dar Organizasaun Ema ho Defisiensia iha Timor-Leste inklui organizaun sira seluk oinsa bele asegura katak laiha ema Timoroan ida mak iha kotuk.
“Inkluzaun labele sai hanesan hanoin de’it maibé inkluzaun sai realidade ba polítika no programa implementasaun ba lider sira hotu atu hametin relasaun ita nia maluk ema ho Difiseinte sira iha TL”dehan nia.
Diretór Asosiasaun Difiseinte Timor-Leste (ADTL), Cesario da Silva reforsa,ema ho defisiénsia sira nia Kontribuisaun ba dezenvolvimentu nasionál ne’e importante no susesu ba iha Timor-Leste nia adere ba ASEAN.
“From Accession to Integration Timor-Leste nia adere ba ASEAN ne’e ita iha nivel ASEAN People forum no ASEAN dezabite forum ne’e organizaun no grupu ema ho Difiseinte sira atu bele kontribui ideia sira relasaun ba dezenvolvimentu inkluzaun.”
RHTO no ADTL tenke iha Diskursaun klean ba ASEAN Enabling Masterplan tanba ida ne’e mak sai dezenvolvimentu ba Timor-Leste nia susesu.
“Timor-Leste tenke iha asaun politika ida ne’ebé seriu, ba ha’u TL nia politika ba ema ho Difiseinte ne’e di’ak tebes tanba mai ho nia baze ne’ebé di’ak tebes ba politika Nasionál ba ema ho Difiseinte sira iha TL”dehan nia.
Asuntu Defisiensia sai isu kruel ba setór hotu-hotu nune’e entra iha pilar tolu iha ASEAN nian mak Politika no Seguransa, Ekonómia no Sosiu kulturál.
Iha Sorin seluk Diretóra Nasionál Sekretáriu Igualdade (SI), Maria Fillomena Babo Martins hatete,Asuntu ema ho defisiénsia ne’e mós kontribui ba pilar sósiu kulturál no no mós ba polítika ekonomia.
“Agora dadaun ita atu tama ba ASEAN konsultasaun ba ita nia planu hodi kontribui liu-liu Asuntu ema ho defisiénsia no ema ho vulnerável ne’e importante tebes.”
Jornalista : Cesar Pires
Editór : Herminio Cardoso