Loluwari Média (Díli) – Polísia Nasionál Timor-Leste (PNTL) liu-husi Diresaun Servisu Investigasaun Kriminál Nasionál (DSIKN) no Servisu Sekreta kontinua Desmantela no asegura sidadaun Estranjeiru hamutuuk 90 ba kazu Scaming call Senter iha Likisa ne’ebé deskonfia involve mós husi Ofisiál Justisa na’in ida.
Diretór Diresaun Servisu Investigasaun Kriminál Nasionál (DSIKN), Superintendente Xefe Polísia João Belo dos Reis hatete,bainhira ekipa simu informasaun desloka kedas ba fatin hodi asegura sidadaun hirak ne’e.
“Ohin ita lansa ekipa rua ida iha area Kampung baru Comoro no ida iha área kasait Postu Bazartete Munisípiu Liquiça, ita desmantela ou asegura Sidadaun Estranjeiru hamutuuk nain 90.”dehan nia ba jornalista sira iha nia kna’ar fatin Komandu Jerál PNTL Kaikoli Díli, Segunda (13/07).
Sidadaun hirak ne’e kompostu husi mane na’in 75 feto na’in 15 iha área kampung baru xineza 14, no iha Area kasait 76 ne’ebé sira komete fraglante delitu.
Nia haktuir,Iha parte Liquiça Ulmera nian ne’e iha uma kontentór boot ida ne’ebé mak ema hamutuk 76 kompostu husi sidadaun indonesia 75 no sidadaun sideza nain ida ne’ebé Autoridade Seguransa PNTL Desmantela no asegura ona suspeitu sira.
“Hafoin ami halo halo indentifikasaun ba sira tanba sira komete fraglante de litu ami prende hotu sira nia sasan ne’ebé sira uza depois ita trasporta kedas sira mai iha DNSIK hodi halo prosesu indentifikasaun ba sira.”
Agora parte PNTL liu-husi Diresaun Servisu Investigasaun Kriminál Nasionál halo verifikasaun ba sasan ne’ebé mak sira rekolla sai hanesan evidensia husi aktus ne’ebé mak sira halo.
“Iha Parte área Ulmera Kasait Liquiça envolve mós ofisial justisia ida, ne’ebé investigasaun sei iha maibé buat ne’ebé mak parte segredu justisia ha’u la ko’alia ba públiku.”
Nia informa,Kazu Scaming call Senter ne’e númeru sae bebeik tanba ne’e hotu-hotu tenke servisu hamutuk hodi bele kombate.
Iha Sorin seluk Nain ba uma Carlos lay da Costa hatete, Xineza ne’e mai ho Advogado Timor ho ho naran Inisiál JC dehan atu aluga uma no rai ne’e hodi rai sasan tanba Sineza ne’e importa kareta husi Japan mai Timor-Leste.
“Tanba ne’e mak ami oferese rai ho uma ne’e sira aluga kada fulan $2.750 no sira nia kontratu mai ami nia uma ho rai ne’e tinan 30 no agora dadaun sira selu ona tinan 2 nian ho osan montante $ 64 mill.”
Xineza sira ne’e hela iha TL fulan 2 ho balun no sira rasik mak monta kontentór sai uma ba sira hodi halao nia Aktividade.
Jornalista : Cesar Pires
Editór : Herminio Cardoso