Loluwari Média (Díli) – Estudante sira ne’ebé Reprezenta Timor-Leste partisipa iha eventu The 11th ASEAN+3 Junior Science Odyssey (APT-JSO11) iha Clark Freeport Zone, Pampanga, Filipinas konsege hatudu rejultadu di’ak mai Timor-Leste.
Ministra Edukasaun (ME), Dulce de Jesus Soares, apresia ba delegasaun estudante Ensinu Báziku Siklu 3⁰ ne’ebé durante loron 06 to-o 10 Jullu 2026 konsege lori medallu mai TL.
“Partisipasaun estudante sira partisipa iha eventu internasionál The 11th ASEAN+3 Junior Science Odyssey (APT-JSO11), ne’ebé hala’o durante loron lima” dehan Ministra ba jornalista sira iha salaun enkontru ME segunda (13/07/26).
Ministra ME hatete, Eventu ida-ne’e reune estudante sira, manorin sira no reprezentante hosi nasaun sira iha rejiaun ASEAN+3 atu partilla koñesimentu.
Tanba eventu ne’e atu dezenvolve kapasidade siéntífika, kreatividade no inovasaun, hodi hametin kolaborasaun iha área siénsia no sustentabilidade Kurríkulu Nasionál Baze ba Siklu da-2 ihaEnsinu Báziku.
“Partisipasaun Timor-Leste iha eventu ida-ne’e reprezenta Ministériu Edukasaun atu promove aprendizajen siéntífika, pensamentu krítiku, kreatividade no dezenvolvimentu kapasidade estudante sira atu partisipa iha kompetisaun internasionál”dehan nia.
Iha fatin hanesan, estudnte Angelica da Costa Sequeira, hatete, eventu ne’e estudante sira mai ho ida-idak nia kapasidade husi Nasaun ida-idak nian hodi kompete.
“Maibé ha’u nafatin kontinua rona motivasaun husi ha’u nia manorin no familia sira ne’ebé mak suporta hau”nia dehan.
Tanba ne’e sira mós iha mentalidade ida hodi hamosu perguntas atu husu ba sintista sira.
Enkuantu estudante ne’e hetan Medalia 4 ne’e diferente mak hanesan;
(1). medalia ida ne’ebé mak ha’u mentalidade bele husu perguntas ba sientista sira. (2). ha’u hetan melor ida tanba ha’u grupu hamutuk ho nasaun: Vietname, Cambodia, Singapura ho Malaysia. (3) ne’e bainhira sientista sira husu perguntas ami hatan ho lalais no ativu hodi rona sira. (4). mak medalia ne’ebé mak ami aprende Komputadór no hatudu fali ba ema sira ne’ebé mak tur iha oin.
Tanba ne’e nia husu ba ministériu edukasaun atu nafatin fó oportunidade ba estudante sira ne’ebé mak iha kapasidade bele kontinua tuir kompetisaun sira hanesan ne’e.
Maske iha difikuldade lingua durante iha Filipina maibé estudante sira kontinua hadudu sira nia kapasidade hodi hakat ba oin no lori ho rejultadu ne’ebé mak di’ak mai TL.
Enkuantu Delegasaun Estudante ne’ebé reprezenta Timor-Leste hodi partsipa iha eventu ne’e mak hanesan; Alandrinho Corbafo Caunan husi eskola Kolejiu Paulo VI, Munisípiu Dili.
Angelica da Costa Sequeira husi eskola EBC Bidau Akadiruhun, Munisípiu Dili, Mendelina del Carmen Mascarenhas husi EBC 30 de Agostu, Munisípiu Dili.
Nelia Patricio Soares husi EBC São Pedro, Munisípiu Dili, Peter Carlos Chima Anaje husi EBC São José Operário, Munisípiu Dili, Salvador da Costa Pacheco husi EBC Esperança da Pátria, Munisípiu Dili.
Enkuantu manorin na’in ne’ebé akompaña estudante sira ba Filipina mak hanesan; Alegrina de Jesus husi EBC Akadiruhun, Helena de Sousa Amaral husi EBC Esperança da Pátria.
No Rezultadu ne’ebé sira konsege lori mai TL Iha eventu The 11th ASEAN+3 Junior Science Odyssey, ne’ebé delegasaun Timor-Leste hetan rezultadu mak hanesan:
(A.) APT-JSO Grand Awards, Medalla Ouro ida,Medalla Prata tolu, Medalla Bronze rua, (B). Excellence Awards / Prémiu Espesiál ne’ebé delegasaun TL mós hetan rekoñesimentu espesiál liu-husi:
Best in Estimating Carbon Footprint, Best in Wings of Chance Challenge
Katuklas Excellence Award – ba deskobrimentu siéntífiku ne’ebé foun no orijinál.
Jornalista : Ercia Freitas
Editór : Herminio Cardoso