Loluwari Média (Díli) – Prezidente Komite Eleitorál, Reinaldo F Luis, hatete, komite independente nu’udar komite eleitorál, komite Etika no Disipliñar, komite auditoria konfirmidade no komite rekursu iha Federasaun Futeból Timor-Leste (FFTL) no membru Exekutivu FFTL faze preparasaun ba kongresu ne’ebé sei realiza iha loron 11 fulan Janeiru 2025.
“Hatetu ba estrutura FFTL no Kódigu eleitorál edisaun 2024 komite Eleitorál notifika ba membru Asosiasaun sira iha loron 13 Novembru 2024, bazeia ba estatutu FFTL artigu 32 alinea 2 hodi bele submete kandidatura nian iha loron 28 Novembru 2024 bazeia ba Kódigu Eleitorál FFTL artigu 9 alinea 2.
Nia hatete, sei iha prazu loron 5 nia laran hahu husi prazu submete formulariu kandidatura 29 Novembru to’o loron 03 dezembru 2024. Kódigu eleitorál FFTL artigu 9.3 bainhira kandidatura nia dokumentus relewante seidauk kompletu bele kompleta dokumentus tu’ir prazu ne’ebé determina.
Komite eleitorál fo tan loron 3 ba kandidatura sira atu kompleta sira nia aplikasaun, iha prosesu aplikasaun nee, depois verifikasaun, iha duni kandidatura ida mak nia dokumentus hanesan planu no programa submete ikus hodi kompleta haktuir rekejitus ne’ebé iha.
“Ami haktu’ir ba anexu A númeru 6 hatete kandidatura sira bainhira pasa liuhusi verifikasaun integridade ne’ebé realiza husi komite auditoria konfirmidade no komite Etika disipliñar molok selesionadu, komite Eleitorál entrega dokumentus kandidatura na’in 4, kandidatura Prezidente na’in 2 no kandidatura membru Exekutivu na’in 2, depois komite 2 halo verifkasaun integridade entrega hikas ba komite Eleitorál halo validasaun ikus, iha loron 10 dezembru 2024. Ohin komite independente hamutuk pronunsia rejultadu kandidatura ba publiku.” Dehan Prezidente Komite Eleitorál, Reinaldo F Luis, ba jornalista sira, iha Xanana Sport Center FFTL, kinta (12/12).
Reinaldo esplika prosesu verifikasaun ida ne’ebe rigorozu tebes no transparente hodi halo tu’ir de’it ba regulamentu ne’ebé estipula ona iha Kódigu Eleitorál no estatutu FFTL, kandidatura hamutuk ema nain 4 mak komite independente pronunsia rejultadu naran kandidatura sira ne’ebé elizivel mak, kandidatura Prezidente FFTL mandatu restante 2022-2026 mak Nilton Gusmão dos Santos no Estanislau António Baptista, ba kandidatura membru Exekutivu mandatu restante 2022-2026 mak Domingos dos Santos Caero no Augusto Henriques.
“Ami hakarak parabeniza ba kandidadu hotu-hotu ba sira nia esforsu hodi bele kompete no iha vontade dedikasaun ne’ebé hatudu iha prosesu ida ne’e, ami hakfodak fo haksolok ba sira ne’ebé sei eleitu iha kongresu ordinariu mai, iha komprimisiu no vizionáriu atu lidera FFTL ba futuru ne’ebé bo’ot ho progresu no susesu iha Dezemvolvientu Futeból iha Timor-Leste.”
Tanba nee mak ami agradese ba publiku liliu amante Futeból, Asosiasaun, Federasaun no klube sira ne’ebe iha fiar mai komite independente atu halo prosesu ida ne’e ho independentemente ho integridade no justa.”
“Molok to’o kongresu ordinariu, komite independente reafirma ami nia komprimisiu atu promove demokratizasaun no kontribui Futeból nu’udar meiu ba unifikasaun no dezenvolvimentu orgullu nasionál.”
Jornalista : Chay Risky