Loluwari Média (Díli) – Komandante Tranzitu Seguransa Rodaviariu, Superintendente asistente Polísia, Luis da Costa, informa, Polísia Nasionál Timor-Leste (PNTL) liuhusi unidade Polísia Transitu Seguransa Rodaviariu hahu husu Janeiru to’o dezembru 2024, unidade Transitu rejista kazu asidente teritoriu Timor hamutuk 2219.
“Husi kazu 2219 ne’ebé ita rejista iha tinan ida nia laran ema lakon vida hamutuk 117 no ema kanek todan hamutuk 558 kanek kaman hamutuk 465 husi kazu sira ne’e hotu ita konsege prosesu ba tribunal hodi hetan nia finaliade 30 no sei prosesu iha tribunal hamutuk 101 kazu no sei iha prosesu nia laran kazu hamutuk 792 no rejolve anivel infratores hamutuk 1115.” Dehan Komandante Transitu Seguransa Rodaviariu, Superintendente Asistente Polísia, Luis da Costa, ba jornalista sira, iha iha komandu Jeral PNTL, Kaikoli, Dili, tersa (07/01).
Luis relata, husi asidente ne’e fator dominante husi fator humanu mak nia pursentu 95 sa’e hodi rejulta asidente ne’e sa’e no fatór veikulu pursentu 2 nomos fator estrada pursentu 3.
“Iha tinan ida, ita hatama tasa ba kofre Estadu husi munisípiu 13 inklui RAEOA ne’ebé halo patrullamentu no Swiping ka cek point hamutuk 764,54 dólar Amerikanu ($), tasa husi fronteira Salele, Sakato no Batugade tinan ida hamutuk 2387 dólar Amerikanu total tinan ida ne’e hamutuk 968,590$ dólar Amerikanu ($).”
Iha infrasaun ne’ebé mak la konsege selu infratores hamutuk 4487 se infratores ne’e mak selu hotu signifika tinan ida PNTL hatama osan ba kofre Estadu hamutuk 1 mill.
“Ita kompara iha tinan 2023 ne’e PNTL hatama osan ba kofre Estadu sai uitoan tanba iha tinan kotuk hamutuk 822,29 dólar Amerikanu tanba ne’e mak nia balansu estatistiku ne’e sae uitoan.”
Ba fali asidente iha tinan 2023 1964 asidente no iha tinan ida ne’e sa’e ba 2218 asidente aumenta ho kazu hamutuk 254 kazu no husi reseitas hirak ne’e iha komandu Jerál PNTL mak reseitas bo’ot liu, tu’ir fali mak Tranzitu Seguransa Rodaviariu, tu’ir Komandu munisípiu Aileu, Komandu munisípiu Bobonaro, no ikus liu mak komandu munisípiu Ermera.
Jornalista : Chay Risky