Loluwari Média (Díli) – Primeiru Ministru (PM), Kay Rala Xanana Gusmão, nia prezensa iha komandu Jeral Polísia Nasionál Timor-Leste (PNTL) atu fo atensaun ba Bala musan ne’ebé sidadaun Timor oan hatama liuhusi fronteira.
“Ha’u nia presiza mai iha Komandu Jerál PNTL atu fo ha’u nia apresiasaun ba servisu PNTL nia atuasaun iha fronteira tanba foin daudaun Timor oan balu tama iha fronteira ho bala musan tanba ne’e seguransa Estadu nian ha’u mai atu fo atensaun ba PNTL atu kontinua mantein seguransa nafatin tanba Seguransa Estadu nian importante teb-tebes.” Dehan Primeiru Ministru (PM), Kay Rala Xanana Gusmão, ba jornalista sira iha kuartel General PNTL, hafoin hasoru malu ho Komandu Jerál PNTL ho Segundu komanante Jerál PNTL iha Kaikoli Dili, Segunda (13/01).
Xefe Governu husu PNTL atu fo seguransa maximu ba Fronteira sira ne’e hodi nune’e fronteira bele seguru.
“Ha’u mai iha ne’e kontaktu ho Komandu PNTL atu reforsa servisu iha fronteira atu garantia seguransa iha ita nia rai.”
Komanante Jerál Polísia Nasionál Timor-Leste (PNTL), Komisariu Jerál, Henrique da Costa, rekuñese Komandu Jerál PNTL hetan informasaun husi Servisu Sekreta iha Fronteira sidadaun Timor oan tama husi Indonésia hafoin nia ba partisipa serimonia funebre nia familia iha Nusa Tengara Timur (NTT).
“Sidadaun ne’ebé tama mai iha ita nia fronteira makina identifika iha nia pasta laran bala musan entaun ita verifika no loos duni bala musan iha pasta laran entaun ita nia servisu iha fronteira lori kedas sidadaun ne’e polisia nian hodi halo prosesu no horseik ita nia Departamentu Investigasaun kriminál Nasional (DIKN) to’o kedas iha fatin hodi asegura suspeitu ne’ebé lori bala iha pasta laran ne’e mai halo prosesu no detein iha Komandu Jerál PNTL iha sala detensaun hodi halo prosesu kontinuasaun.”
Tu’ir informasaun ne’ebé Komandu Jerál hetan iha instituisaun katak sei detein suspeitu ba 72 oras hodi kompleta nia prosesu hodi aprezenta ba Primeiru Interogatoriu.
“Informasaun inisial katak suspeitu ne’e nia aman Polísia maibé agora daudaun ita nia ekipa iha hela terenu hodi halo identifikasaun serake ida ne’e loos duni ka lae depois mak ita hetan fali nia prosesu iha nia rejultadu prosesu investigasaun nian.”
Liuhusi prosesu mak ita foin hatene los duni suspeitu ne’e membru Polísia nia oan duni ka lae tanba ekipa sei lao servisu hela tanba prosesu hanesan sidadaun balu deklara katak nia inan aman Polísia ou Forsa, para PNTL atu fiar hodi ajuda nia maibé hein prosesu mak determina mesmu nia aman bele iha kilat maibé tanba saida mak bala ne’e iha fila-fali ba nia oan.
“Sidadaun sivil uza bala musan ne’e ita konsidera krime tanba ne’e mak ita detein 72 oras tanba suspeitu deklara nia an katak nia aman Polísia tanba ne’e mak bala musan ne’e iha nia pasta hodi lori ba Indonésia mak lori tama mai fali mak ita akapta.”
“Primeiru Ministru nia prezensa mai iha Komandu Jerál PNTL ne’e fo nia apresiasaun mai PNTL tanba durante ne’e apoiu SEATOU hodi fo seguransa ba komunidade no ba ema hotu tanba PNTL nia prezensa iha ne’eba atu garantia seguransa ba ema hotu.
Jornalista : Chay Risky