Loluwari Média (Díli) – Komandante Interinu munisípiu Baucau, Superintendente Polísia, João Sancho Pires, promete sei garante seguransa iha munisipiu Baucau.
Superior ne’e agradese ba komandu Jerál PNTL tanba hetan nomeasaun husi komandu jeral PNTL atu lidera PNTL munisipiu Baucau no sei servisu hamutuk ho autoridade lokal liliu PAM nomos F-FDTL hodi garantia seguransa iha munisípiu Baucau.
“Ha’u sei la servisu mesak maibé ha’u sei servisu hamutuk ho Komandante eskuadra, komandante seksaun iha munisípiu Baucau no mos Ofisiál Polisia Suku (OPS) ne’ebé iha Munisípiu Baucau no ha’u sei servisu hamutuk ho autoridade munisípiu Baucau liliu Prezidente Autoridade Munisípiu (PAM) Baucau, atu bele asegura situasaun jeral nomos kualker atividade, ami sei garantia seguransa ho diak.” Dehan Komandante Interinu munisípiu Baucau, Superintendente Polísia, João Sancho Pires, ba jornalista sira, iha komandu Jeral PNTL Kaikoli, Dili, kuarta (22/01).
Nia promote, sei servisu hamutuk ho Autoridade Munisípiu Baucau liliu PAM nomos Komadante Eskuadra nomos Xefe seksaun nomos F-FDTL iha Munisípiu Baucau atu garantia seguransa.
“Seguransa ba ema hot-hotu la’os polísia mesak ou Forsa Defeza Timor-Leste (F-FDTL) mesak, maibé entidades hot-hotu liliu komunidade Baucau oan sira hotu inklui mos ita nia religiozu sira hotu ita kaer liman hamutuk ita bele kria estabilidade iha Munisípiu Baucau.”
“Munisípiu Baucau ema hotu nia responsabilidade, bainhira akontese buat ruma bele tuur hamutuk hodi buka tu’ir nia dalan, bainhira dalan ne’ebé tu’ir lei la’o tuir dalan lei nian bainhira dalan ne’ebé bele ko’alia iha kraik bele ko’alia tu’ir nia dalan.
“Bainhira programa governu nian Komandu PNTL munisipiu Baucau prontu atu asegura 100 pursentu (100%) atu nune’e atividade saida mak iha Baucau ami prontu hamutuk ho membru PNTL Baucau nomos Komandante Eskuadra no xefe seksaun sira atu bele asegura.”
“Agora daudaun suspende atividade Artemarsiais no arte rituais, bainhira se deit mak viola lei komandu PNTL munisipiu Baucau sei atua bazeia ba lei.”
“Bainhira grupu arte marsial no arte ritual sira mak kontra lei, ita sei aplika lei ne’ebé iha atu prosesa tu’ir lei nomos KRAM nia papel iha atu bele halo sosializasaun ba joven sira ami hamutuk ho KRAM atu prevene atividade Artemarsiais no arte rituais sira.”
Jornalista : Chay Risky