Loluwari Média (Díli) – Ministru Negosiu Estranjeiru Kooperasaun (MNEK), Bendito Freitas, hatete, enkontru ho Prezidente Repúblika (PR), José Ramos-Horta atu informa servisu iha ministériu no koordenasaun ba politika externa.
“Prezidente Repúblika fo nia hanoin mai ami kona-ba mudansa ne’ebé ita hasoru iha lider politika global nian.” Dehan Ministru Negosiu Estranjeiru no Kooperasaun (MNEK), Bendito Freitas, ba jornalista sira iha Palasiu Prezidensial Nicolau Lobato, Bairro-Pité, Dili, kinta (30/01).
Governante ne’e hatete, politika IX governu fo prioridade ba MNEK hodi aselera servisu hodi lori Timor-Leste nia adezaun ba Azian iha tinan ne’e.
“Ami ko’alia mos kona-ba politika ba futuru nia implikasaun mai Timor-Leste, no ita nia preparasaun mos ba azian ne’ebé importante tebtebes tanba ne’e mak ami informa ba Prezidente Repúblika atu apoiu ne’ebé nesesariu ba konsolidasaun internasional nomos Kooperasaun interministerial ne’ebé forte atu fasilita servisu ne’ebé ami hala’o ona.” Freitas afirma.
Esperansa ba 2025 sei adezaun ba azean tanba ne’e PR, Primeiru Ministru no governu inklui sosiedade sivil preparadu ba iha ne’eba.
Tanba ne’e mak politika IX governu Konstitusional fo prioridade tebtebes ba ita nia vise MNEK hodi servisu makaas ita espera katak tinan ida ne’e tenke ser.”
Jornalista : Chay Risky