Loluwari Media (JAKARTA) – Programa Estudu Mestradu Siensia Komunikasaun, Universidade Mercu Buana (UMB) realiza Konferensia Nasionál Komunikasaun iha Sabadu (8/2/25), iha Hotel Horison, Sukabumi, Java Osidental. Konferensia ne’e partisipa husi estudante na’in 21 ne’ebé halo ona seminariu proposta teze, ne’ebé fahe ba klase rua ho moderador Dr. Afdal Makkuraga Putra, MM, M.Si. no Dr. Syaifudin M.Si.
Konferensia ne’e sai forum diskusaun akademiku ne’ebé diskuti kona-ba issu atual komunikasaun nian hahú husi komunikasaun organizasional, komunikasaun marketing, konverjensia media, to’o komunikasaun dijital.
Xefe Programa Estudu Mestradu Siensia Komunikasaun UMB, Dr. Heri Budianto M.Si hatete, konferensia ne’e sai nu’udar meius ba estudante sira ne’ebé halo ona seminariu proposta teze hodi hato’o sira-nia peskiza nune’e bele sai fatin ida hodi troka asuntu atual relasiona ho komunikasaun.
“Sira-nia peskiza oioin no interesante, tanba ne’e liu husi konferensia ne’e bele sai meius troka issu komunikasaun ne’ebé sira peskiza. Nune’e ita mós bele aprende ba malu no kompriende issu-issu komunikasaun atual,” dehan nia.
Oportunidade partsipa iha konferensia sai nu’udar esperensia id aba estudante sira. Hanesan hato’o husi estudante Gigih Miftasari ne’ebé foti estudu Media husi Kampus Meruya.
“Ne’e ha’u-nia esperensia dahuluk partisipa iha konferensia hanesan ne’e. Nervus uitoan mós tanba ha’u ho kolega sira iha tempu hanesan tenke prepara social volunteering,” dehan Gigih, ne’ebé sai mós nu’udar Vise Xefe Social Volunteering no Conference 2025.
“Maibé agradese bele fahe saida mak ha’u peskiza. Husi ne’e ha’u mós hetan input husi moderador nune’e ha’u bele hetan hanoin husi pontu de vista seluk. Obrigadu ba oportunidade folin boot ida ne’e,” dehan Gigih ne’ebé foti titlu peskiza ‘Kritik Sosial dalam Lirik Lagu Parung Panjang Pride Karya Istantos (Analisis Wacana Kritis Van Dijk)’.
Estudante seluk husi Corporate Communication Kampus Menteng, Indra, hato’o kestaun ne’ebé la diferente dook.
“Aleinde atu kumpre rekezitu sira ba ezame, konferensia ne’e sai meius treinu abilidade komunikasaun, no mós aumenta koñesimentu kona-ba komunikasaun. Ha’u aumenta ona ha’u-nia rede ho partisipante sira husi background profisaun oioin, no mós simu inspirasaun kona-ba topiku atual sira jurnal komunikasaun nian. No pesoalmente oportunidade hanesan ne’e sai hanesan meius atu hasa’e ha’u-nia reputasaun (branding) nu’udar partisipante husi konferensia,” dehan Indra ne’ebé servisu iha ospital ida iha Jakarta Sentral.
Partisipante seluk, Dian Febrima, foti kursu Corporate Communication husi Kampus Menteng. Nia foti titlu peskiza ‘Pengaruh Employer Branding terhadap Employee Engagement dan Organizational Commitment (Survei di internal PT. YKK Zipper Indonesia)’.
“Husi konferensia ne’e bele aumenta estudante nia koñesimentu husi point of view ne’ebé luan liu tanba espozisaun ne’ebé direita no nakloke,” dehan nia hafoin konferensia.
Nia hatutan katak diversidade tema peskiza ne’ebé hato’o husi partisipante seluk fornese orizonte siensia foun. “Ida ne’e sei enrikeze duni alfabetizasaun no hasa’e maneira hanoin husi partisipante konferensia hotu,” nia dehan.
Enkuantu, Christian Suprana husi kursu Corporate Communication Kampus Meruya hatete, konferensia ne’e sai meius ba estudante sira hodi kadi sira-nia dialétika.
“Konferensia Nasional ne’e nu’udar fatin ba estudante mestradu, liu-liu klase 43, ne’ebé tama ona semestre 3 hodi halo publikasaun iha jurnal peskiza nu’udar rekezitu ida ba graduasaun atu sai Mestradu Siensia Komunikasaun.”
“Ida ne’e hanesan pratika ida ba ami estudante Mestradu UMB atu treinu nune’e ba oin ita mós bele treina ita-nia an no envolve iha konferensia sira seluk,” dehan Cristian ne’ebé halo peskiza kona-ba ‘Pengaruh Pesan Periklanan, Promosi Penjualan, dan Penjualan Personal terhadap Minat Beli Konsumen (Kajian Komunikasi Pemasaran pada BJ Home BSD City)’.
Konferensia ne’e nu’udar serie husi Social Vounteering (SV) ne’ebé halo husi estudante Mestradu Siensia Komunikasaun klase 43 no 44 ne’ebé sentradu iha SMKN 1 Gegerbitung.
Programa annual ne’e envolve dosente na’in 15 no estudante na’in 70, inklui estudante husi Timor-Leste. SV realiza iha klase edukasional neen, hanesan klase ‘Bijak Bermedia Sosial dan Digital Communication’, ‘Public Speaking dan Personal Branding’, ‘Workshop Psikologi Komunikasi’, ‘Digital Marketing’, ‘UMKM Maju Usahawan Unggul’, no mós ‘Komunikasi Transaksional dalam Pembelajaran Berdiferensiasi untuk Generasi Z’.
Dekanu Fakuldade Siensia Komunikasaun Universidade Mercu Buana, Prof. Dr. Ahmad Mulyana iha ninia diskursu hatete, SV nu’udar forma inovasaun annual iha servisu komunitariu.
“Hein katak atividade sira hanesan ne’e kada tidan sei buras nafatin. Hanesan tinan ne’e ita iha treinamentu public speaking to’o mentorizasaun ba UMKM lokal. Ita mós bele adapta ba nesesidade komunidade ne’ebé sai nu’udar pontu alvu atividade nu’udar parte husi Tri Dharma Ensinu Superior nian,” dehan nia. (*)
Hakerek-nain: Widodo