Loluwari Média (Díli) – Diretór Diresaun Tranzitu Seguransa Rodaviaria (DTSR), Superintendente Asistente Polísia, Luis da Costa, hatete, infratores sira iha tinan 2024 to’o agora balu seidauk selu infrasaun ho total hamutuk 4487 tanba fallansu iha DNTT. Infratores la hatama reseitas maximu ba kofre estadu tanba infratores barak la selu infrasaun.
“Infratores sira halo infrasaun iha munisípiu ida-idak, no infratores ba halo deklarasaun iha DNTT, dehan sira nia dokumentus original no karta kondusaun original lakon. Tanba ita nia polísia fo de’it nota Banku ba sira no la prende evidensia entaun ikus mai infratores la ba selu no halo deklarasaun ba iha DNTT hodi produz nia dokumentus original foun fali la’o livre loos.” Dehan Diretor Diresaun Tranzitu Seguransa Rodaviaria (DTSR), Superintendente Asistente Polísia, Luis da Costa, ba jornalista sira, iha kuartel Geral PNTL, Kaikoli Dili, Sexta (21/02).
Luis hatete, durante tinan 2024, rihun haat resin la selu infrasaun ne’e individu seidauk nia tipu infrasaun ema ida bele komete infrasaun rua ka tolu, bainhira infratores sira ne’e mak selu hotu karik, polísia Tranzitu bele hatama reseitas ba estadu to’o miliaun ida.
“Ida ne’e mak problema ne’ebé durante ami hosoru, no ami enkontru ho liña Ministériais Diresaun Transporte Tereste nian, ami kestiona ida ne’e, atu nune’e husi parte DNTT atu loke janela iha ba Polísia Tranzitu hodi bele asesu nune’e infratores sira viola infrasaun ita hatama kedas ho evidensia atu fo limitasaun semana ida ba infratores sira atu nune’e infratores sira tama ba sistema hodi blokea kedas ba sira dokumentus ho karta kondusaun.”
“DNTT nia frazilidade durante ne’e Polísia Tranzitu haree akontese iha tinan ba tinan infratores barak mak la selu no sira fasil atu hetan dokumentus original.” Nia afirma.
Tanba ne’e mak ha’u husu ba DNTT atu servisu hamutuk ho polísia Tranzitu Nasionál hodi haree asuntu Infratores sira ho seriu, tanba tu’ir loloos iha tinan kotuk ita bele hetan reseitas ba kaixa Estadu ne’e Rihun ida resin maibé ita labele atinji tanba infratores barak mak la selu.”
Lamentasaun ne’e parte unidade tranzitu rodaviariu hato’o bainhira hala’o reuniaun hamutuk Polísia Nasionál Timor-Leste (PNTL) liu-husi Diresaun Tranzitu Seguransa Rodaviaria, lewanta kazu ne’e husi parte DNTT bele tau konsiderasaun.
“Ami enkontru iha tinan ida ne’e hamutuk ho Xefe Tranzitu munisípiu 13 inklui Regiaun Administrativa Espesial Oe-Cussi Ambeno (RAEOA) atu ita orienta sira nune’e bele akumula infratores sira ne’ebé seidauk selu ne’e hato’o mai iha Tranzito Nasionál hodi enkamina ba Diresaun Transporte Terestre nian atu blokea nune’e infratores sira ne’ebé lori sira nia dokumentus no sira nia karta kondusaun ne’e iha alarma iha ona.”
Jornalista : Chay Risky