Loluwari Média (Díli) – Komandante Jerál Polísia Nasionál Timor-Leste (PNTL), Komisariu Jerál, Henrique da Costa, informa, hatete, situasaun Seguransa iha teritoriu laran tomak la’o ho diak tanba Komandu Munisipiu, komandu unidade no Departamentu sira hotu halo sira nia kna’ar ho diak mezmu iha buat balu ne’ebé akontese maibé la prejudika servisu PNTL.
“Iha janeiru no fevereiru ita rejista kazu hamutuk atus hitu ualu nulu resin haat (784), maibé ita nia membru sira buka nafatin atu bele prevene krime iha fulan hirak tu’ir mai ka ba iha futuru nian.” Dehan Komandante Jerál PNTL, Komisariu Jerál, Henrique da Costa, ba jornalista sira, iha kuartel Jerál PNTL, Kaikoli, Dili, Segunda (10/02).
Komandante Jerál dehan krime ne’ebé akontese maioria ofensa integridade fizika ne’ebé mak rejista iha munisípiu sira hotu, tu’ir fali mak meius tratus ka kazu violasaun domestika ne’ebé mak rejista aas iha munisípiu hotu.
Atu aprezenta mos ba iha asidente trafegu ne’ebé mak akontese iha fulan rua nia laran ita rejista asidente hamutuk atus tolu, tolu nulu, resin tolu (333) husi asidente ne’ebé akontese iha ema na’in sanulu resin haat (14) mak lakon vida no barak mos hetan kanek kaman no na’in neen nulu resin ualu (68) mak kanek todan.
“Servisu Tranzitu seguransa Rodaviaria nian husi janeiru no febreiru sira rekolla koimas tranzitu nian iha teritoriu tomak sira konsege rekolla dolar amerikanu centos e trinta mil, oitu centos noventa dolar amerikanu $ (130,890).”
“Nune’e mos Unidade Patrullamentu Fronteira sira ne’ebé servisu iha fronteira taxa ne’ebé mak hatama trinta e quatro mill $ (34.000) sura hamutuk ho servisu Tranzitu ninian ba fulan rua nian osan ne’ebé hatama ba kofre estadu sentu e sesenta e sinco mil, vinte e quatro dolar amerikanu $ (165.24).”
“Ita akompaña mos situasaun iha fronteira servisu patrullamentu fronteira no komandu munisípiu sira sempre halo atividade prevensaun nian mezmu krime kontra bandu aumenta mas nafatin sira buka meius prevensaun liuhusi atividade patrullamentu atu nune’e bele prevene provokasaun iha area fronteira no ita nia membru koloka iha fatin ne’eba halo servisu ho di’ak tebes liliu maneira komunikasaun atu evita problema ne’ebé mak aas iha liña fronteira.”
“Ita nia polisiál Unidade Patrullamentu Maritima (UPM), sira halo medida prevensaun liuhusi patrullamentu tasi nian iha semana kotuk sira konsege prende ró lori mos material kontra bandu, sira kaptura ba iha Komandu munisípiu Bobonaro nian hodi halo prosesu inklui komandu munisípiu Likisa, Ermera no Dili mos konsege prende sasan kontrabandu sira.”
“Ita mos haree ita nia membru sira nia servisu, ita hatene katak halo ona vizita ba munisipiu lubuk ida Exelensia rona diretamente difikuldade problema sira infrenta ba iha fardamentu nian ba iha ita nian transporte no fasilidade sira atu halo servisu ho diak liu tan, maibé ida ne’e la sai bareira ida ba sira atu bele hala’o sira nian servisu.”
Polisiamentu Komunitariu ne’ebé membru polisiamentu Komunitariu iha tempu naruk nia laran. Sira mos presiza atu halo lelaun hodi nune’e Pessoal hirak ne’ebé utiliza motor refere hetan benefisia ba ida ne’e.
Jornalista : Chay Risky