Loluwari Média (Lautém) – Asesor Prezidente Autoridade Munisipal, Kolokadu ba Asesor De Asesor dezenvolvimentu Komunitaria Kontrolu Projetu Nasional Dezenvolvimentu suku (PNDS), Jaret Alda da Silva, observa direita ba serimonia ba re-esturura PNDS suku Daudere.
“Pozisaun hanesan ha’u nian assesor dezenvolvimentu ba komunitária kontrolu PNDS mai partisipa iha serimonia re-estruturasaun ekipa KPR no EJS suku, prontu normalmente tama iha re-estruturasaun ne’e normal kuandu haree ba nia eziztensia tinan barak ona mais keta iha fallansu ruma estrutura laran konserteza bele halo substituisaun ka re-strutura ba estrutura refere ne’e programa governu nian estabelese ita tenke halo tuir,” Dehan Asesor Dezenvolvimento Komunitaria Kontrolu (PNDS), Jaret Alda da Silva ba loluwari.tl iha Daudere, tersa (18/03).
Jaret mos husu estrutura tuan sira sai servidor estadu tenke halo estrutura ho onestidade ho protidaun nune’e servi estadu no governu ho diak.
“Ha’u nia mensajen ba estrutura governu atu servi diak ba governu no estadu ho diak, primeiru tenke halo estrutura ho onestidade, segundu ho ita nia protidaun tomak atu servi estadu, governu ida ne’e ho diak atravez ho estrutura ida ne’e, ita tenke haree ema atu koloka ho diak.
Ida fali atu tama estrutura ka hasai ema ruma atu halo substituisaun mos labele ho odiu vingansa, tanba estrutura ida mak ita halo mudansa atu dudu ses ema ruma husi nia pozisaun hanoin ida ne’e la merese.
Xefe suku Daudere, Agito Boavida, hatete, maske estrutura PNDS halo ona substituisaun maibé tenke tuir matadalan estrutura EJS.
“Relasiona ho estrutura PNDS suku ida ne’e foin lalais truka ona mais matadalan tuan iha 2025, na’i ulun sira diresaun PNDS iha ona revizaun matadalan ba PNDS halai liu ba estrutura EJS ka estrutura PNDS.
“Ita tenke tu’ir mata dalan ne’ebé mak iha, hanesan xefe suku haree ona matadalan katak na’in hitu ne’e, na’in rua mai husi konsellu entaun konsellu na’in rua ne’e husi xefe suku nia hanoin, durante tinan ida servisu xefe suku haree diak. Pessoal xefe suku hanoin bele mantein maibé depende forum.” Agito Esplika.
“Servisu EJS tuan ne’e diak ida ne’e bele nafatin tu’ir kriteriu ne’ebé mak revizaun matadalan iha tabela ne’e.”
“Molok tama iha re-estururasaun PNDS suku KPR tuan retira, ho razaun tanba servisu barak, nune’e EJS suku deside ema na’in ha’at kompete ba prezidente KPR mak, João Martins, Lamberto da Costa, Sebastião Constancio, Josefina da Costa.
Iha votasaun ne’e Sebastião Constancio mak eleze tanba ho votus maioria assume kargu prezidente KPR periodu 2025-2028.
Sebastião Constacio, nu’udar xefe aldeia, agradese ba konsellu suku sira ne’ebé fo konfiansa ba nia atu lidera PNDS suku Daudere.
Prezidente Komite Planeamentu no Responsabilidade hatete, kargu ne’ebé mak nia assume buat foun ba nia kona-ba dezenvolvimentu suku bazeia matadalan.
“Ami sei halo tu’ir ida ne’e no haree komunidade ne’ebé mak afetadu tebes ona ami haree atende uluk. Depois ida ne’ebé sei substitui ne’e faze tuir mai PNDS sira sei loke kuotasaun liuhusi siklu ne’ebé mak iha.”
“Kuñesimentu servisu EJS hau iha maibé ladun hanesan estrutura tuan sira tanba ne’e prezidente KPR retira husi nia kargu maibé ha’u presiza nafatin hodi bele servisu hamutuk ho nia kontinua obra sira ne’ebé KPR tuan hala’o ona.
Prezidente Komite Planeamentu no Responsabilidade (KPR) tuan, Domingos Vilanova retira husi nia kargu ho razaun tanba servisu barak.
“Ha’u retira no labele kandidata fali razaun tanba servisu barak liu, Durante ha’u nia mandatu hamutuk ho membru sira hala’o ona servisu ba projetu rua. Ida mak moru haleu suku ne’e finaliza ona ida seluk mak dada bee ba komunidade sira iha Ilidui maibé seidauk finaliza.
“Razaun ha’u retira kandidata an fali ne’e tanba ha’u nia servisu barak. Tanba ne’e ha’u hakarak husu ba prezidente KPR foun hala’o servisu ho diak onestu nune’e ita nia inan-aman sira bele sente hotu dezenvolvimentu ne’ebé PNDS lori mai iha suku Daudere.
Enkuantu durante mandatu KPR tuan ho nia estutura realiza ona projetu rua mak moru haleu sede suku ho totál orsamentu hamutuk $ 41.000.00 (41 mil dolar amerikanu) no halo mini kampu futsal multi-funsaun, dada bee moos ba komunidade iha area rural Ilidui ho total orsamentu $ 44.000.00 (44 mil dolar amerikanu) maibé projetu refere seidauk finaliza, tanba tempu udan, kompaña lokál labele lori material ba.
Partisipa iha serimonia re-estutura PNDS suku ne’e, Asesor Prezidente Autoridade Munisipal Kolokadu, Asesor Dezenvolvimentu Komunitaria Kontrolu PNDS, Jaret Alda da Silva, xefe suku Daudere, Agito Boavida, Fasilitador tekniku postu administrativu Almerio Xavier, Celestino Eloy, Fasilitador Sosial, Zebedeo Monteiro, Fasilitador Finansas Natalino da Costa no estrutura konsellu suku.
Jornalista: Nono/Resy