Loluwari Média (London) – Prezidente Repúblika (PR), José Ramos-Horta, hala’o enkontru ho Embaixador ASEAN London Comite ne’e hodi hato’o Timor-Leste nia preparasun ba ASEAN.
“Durante ita nia preparasaun ne’e Embaixador ASEAN London Comite ne’e akompaña prosesu sira ne’e signifika ita prontu atu tama ASEAN.” Dehan PR, José Ramos-Horta, ba jornalista loluwari.tl, iha London UK, sexta (25/04).
Xefe Estadu hatete, Timor-Leste nia viagen ikus atu tama ASEAN pontu 7 mak TL konklui ona hela pontu ida mak seidauk mak Saongoin signifika TL ultrapasa hein atu graduasaun ba Familia bo’ot ASEAN.
“Ita nia preparasaun maximu ona hein ita tama ba ASEAN iha tempu badak.”
Embaixador Timor-Leste ba UK, João Paulo Rangel, hatete, enkontru Embaixador ba ASEAN ka ASEAN London Comite ne’e kompostu husi Embaixador Asean hotu-hotu inklui Timor-Leste.
“Embora ita nia kondisaun iha enkontru ASEAN London Comite ne’e nu’udar observador ba reuniaun ne’e no bainhira ita nia Prezidente Repúblika, José Ramos- Horta, atu mai ita ko’alia ho komite London ne’ebé prezide husi Embaixador Indonesia ho ita nia grande amigu atu organiza reuniaun ho ita nia Prezidente Repúblika.”
Prezidente Repúblika nia prezensa iha Reuniaun komite ASEAN London ne’e atu esplika Timor-Leste nia viagen ikus atu tama ba ASEAN.
“Ita nia Prezidente Repúblika fahe informasaun iha enkontru ne’e ho pontu 7 mak ita konklui ona hela pontu ida mak seidauk mak Saongoin signifika ita ultrapasa hein atu graduasaun ou atu simu tama ba ASEAN ne’e sira mak fo gradua ba ita.”
Tanba Prezidente Repúblika nia prezensa iha enkontru ASEAN London komite ne’e importante tanba foin dahuluk mak komite simu Prezidente Repúblika Timor-Leste.
“Durante enkontru ASEAN London Comite ne’e ha’u partisipa tinan ida ona nivel as liu mak ministru nivel as sira maibé ida ne’e ita nia PR mak prezensa atualiza ba sira katak ami nia Rodman hotu ona ami nia kondisaun buat hotu la’o diak ona hein ASEAN deside atu tama, ne’e hatudu katak TL respeita no hakarak duni hola parte iha familia ASEAN.”
Jornalista : Chay Risky