Loluwari Média (London) – Prezidente Repúblika (PR), José Ramos-Horta, hala’o nia vizita traballu ba Reinu Unidu ka United Kingdom (UK) hodi hala’o enkontru ho Prezidente Parlamentu Reino Unidu no Ministeriu Negosiu Estranjeiru Kooperasaun (MNEK) UK kona-ba tratamentu dignu hasoru imigrante Timor oan sira ne’ebé utiliza pasaporte Timor hala’o servisu iha Reino Unidu.
“Ha’u mai tanba hetan konvite husi Prezidente Parlamentu Reinu Unidus nian no simu ha’u diak tebes ho ambiente Parlamentu Reinu Unidus ne’ebé diak tebes no ami hala’o enkontru ko’alia kona-ba pozitivu tebes iha rai UK ho governu UK trata Timor oan iha ne’e ho diak tebes.” Dehan PR, José Ramos-Horta, ba jornalista loluwari.tl iha London, UK, Sabadu (26/04).
Xefe hatete, governu Reinu Unidus ne’ebé kooperasaun bilateral diak tebes ho Timor-Leste hodi trata Timor oan sira ne’ebé servisu iha UK no traballador Timor oan balu ne’ebé ho pasaporte Timor. Bainhira estatutu imigrasaun UK nian tenke lori sira ba sira nia moris fatin ho dignu.
“Bainhira Timor oan sira ne’ebé servisu iha UK ho pasaporte Timor de’it ne’ebé se mak voluntáriuamente ba fo hatene governu UK atu fila-fali ba Timor governu UK bele fasilita sira nia tiketi aviaun no fo osan rihun 5 ba molok sira fila to’o Timor simu kartaun ida no foti osan iha BNU Dili.”
Bainhira se mak fila voluntáriumente governu Britaniku sei trata Timor oan ho dignidade ba Timor oan diak tebes, tanba governu Britaniku husu se bainhira Timor oan se mak fila ho voluntariamemte mak governu Britaniku sei trata ho dignu no bileti sira mak selu hotu.
“Bainhira tinan 5 liu sira bele komesa prepara hatama surat ba kompaña ruma para atu fila-fali mai UK hodi servisu legalmente, ha’u kontente ho situasaun sira ne’e tanba UK hakarak hametin relasaun bilaterál ho Timor-Leste. Tanba ha’u hasoru ho Ministru Negósiu Estranjeiru Kooperasaun UK nian ne’ebé figura importante no sira sei loke embaixadór UK ba Timor-Leste, prosesu hahu ona no iha ona orsamentu atu buka fatin iha Dili hodi hari’i Embaixadór UK iha Timor-Leste.”
Embaixadór Timor-Leste ba UK, João Paulo Rangel, hatete, Prezidente Repúblika José Ramos-Horta, hala’o enkontru ho Prezidente Parlamentu UK hodi diskute kona-ba Timor oan ne’ebé utiliza pasaporte Timor nian de’it hodi buka moris iha Reinu Unidu.
“Ita nia estudu agradese tanba estudu Reinu Unidu ne’ebé trata ita nia sidadaun Timor-Leste ho dignu tanba ne’e ita nia Na’i Prezidente Repúblika lori povu no estudu Timor Leste agradese ba Prezidente Parlamentu Reino Unidu no mos ba MNEK UK katak ita hakarak asegura estadu tanba sira trata dignu ita nia sidadaun ne’ebé mak servisu iha Reinu Unidu.”
“Governu UK aluga aviaun hodi tula traballador Timor ne’ebé uza pasaporte Timor nian to’o iha Timor-Leste ho dignu tanba estatutu imigrasaun ne’ebé regula iha Reinu Unidu.
“Iha momentu ne’e ha’u em nome estudu TL akompaña ita nia maluk Timor oan to’o iha Timor katak governu UK fo duni osan Rihun 5 ba Traballador Timor oan sira ne’ebé fila ho voluntariamemte traballador Timor ne’ebé hakarak atu fila fo relatóriu ba governu UK sira prosesa ho voluntariamemte fulan ne’e. Bainhira prosesu ne’e konklui ona mak sira sei sosa bileti no sei selu nia akomodasaun no apoiu humanitariu ho rihun 5 ba traballador sira atu ba ita nia rai hodi uza ba nia nesesidade uma laran.”
Ho objetivu fasilita traballador sira ne’e la’os ba Timor oan de’it maibé ba nasaun barak nia imigrasaun ne’ebé mak barak liu Timor oan maibé atu fila fali ba nia rai tenke liu husi prosesu, tanba programa Re integrasaun Voluntáriu ba imigrante hotu ne’ebé servisu iha Reinu Unidu no sistema ne’e la’os foin agora maibé eziste iha UK no sistema Extra ordinariu tebes.
Jornalista : Chay Risky