Ekipa PNTL Prontu Kompete Ba Asian Pool Iha Vietnam

ByIlima'a

Jun 25, 2025

Loluwari Média (Díli) – Komandante Administrasaun Polísia Nasionál Timor-Leste (PNTL), Superintendente Xefe Polísia, Natercia Eufrazia Martins, informa, kuarta ne’e realiza enkontru iha Kuartel Geral PNTL preparasun hodi haruka ekipa jogador sira husi PNTL atu hala’o jogu iha Vietnam.

“Vietnam fo nia konvite mai PNTL no ita kumpri ema nia konvite hodi halo preparasaun ba jogu Asian Pool, tanba Xefe Asian hala’o enkontru kada tinan agora halo kompetisaun ba PNTL iha Asian”. Dehan Komandante Administrasaun PNTL, Superintendente Xefe Polísia, Natercia Eufrazia Martins, ba jornalista sira, iha Kuartel Jerál PNTL, Kaikoli, Dili, kuarta (25/06).

Natercia hatete, planu Komandante Jeràl PNTL, Komisariu Jerál, Henrique da Costa atu prepara jogador hamutuk na’in 30 inklui mos ofisiál sira ne’ebé sei aranka ba Vietnam iha 02 jullu.

“Ita nia prosesu selesaun hotu ona tanba ita nia jogador mesak selesaun no partisipa ba kopa Maun bo’ot Kay Rala Xanana Gusmão nian ne’ebé sei final iha loron 27.”

Ekipa jogador 30 ne’ebé prepara husi Membru PNTL inklui mos sivil nain 6 ne’ebe sei partisipa jogu iha 04 Jullu to’o 20 iha Vietnam.

“Jogu ne’e importante tebes mai ita tanba ita nia adezaun ba ASEAN iha tempu badak ita sei sai membru tanba ne’e atividade ida ne’e mos hola parte husi objetivu estadu nian ne’ebé envolve mos PNTL iha laran tanba Asian Napo ne’e kada tinan sempre lori hamutuk Xefe Polísia husi Asian nian ne’ebé sai parseira ho ita tanba kada tinan sira halo enkontru oioin, tinan ne’e realiza jogu ba sira neebe parseira .”

Treinador Eduardo Pereira, hatete, ekipa PNTL, foin hari’i maibé iha preparasaun maximu atu bele partisipa kompetisaun Asian Pol iha Vietnam.

“Ha’u hanesan Coach durante ne’e ha’u prepara sira ho diak sira tu’ir kompetisaun Copa Avo Nana to’o final tanba ne’e sira mos iha ona performa diak. Tanba ne’e ami prontu ona atu ba kompete iha Vietnam. Tanba jogador husi PNTL maioria husi selesaun Nasionál no jogador barak mak hala’o nia jogu iha clubu barak, tanba ne’e fasil ba ha’u atu bolu sira treinu hamutuk atu bele kompete iha Vietnam.”

Jornalista : Chay Risky

Post Views: 1,003

By Ilima'a

Profile Loluwari Media online Loluwari media Online nudar instituisaun midia ida, ne’ebé hala’o nia atividade konaba partilla informasaun ba publiku, iha kapital Dili. Iha suku vila verde postu administrativu Vera Cruz. Loluwari.com foku partilla informasaun atual sira ne’ebé akontese kada loron iha rai laran, liliu preokupasaun publiku nian iha area remotas to’o iha nivel nasional. Loluwari media online hahu nia atividade hodi pasa informasaun iha situasaun estadu emerjensia daruak metade fulan maiu tinan 2020. Maske nune’e loluwari Media online foin mak hetan lisensa husi servisu rejistu verifikasaun emprezarial Institutu publiku SERVE, IP husi kompania LOLUWARI IRA, LDA iha loron 30 fulan junu tinan 2020, ho nia lisensa operasional 1322586. Bazeia ba lei komunikasaun social artigu 40 no 41 konaba liberdade imprensa no liberdade espresaun sidadaun hotu iha direitu atu expresa sira hanoin tuir dever no obrigasaun ne’ebé la viola ema seluk nia liberdade. Inisiativa hari’i Loluwari Media Online, tanba ejensensia konsellu imprensa nian konaba publikasaun informasaun ne’ebé fo sai ba publiku tenke tama kategoria konsellu imprensa nian, no instituisaun media sira atu publika informasaun tuir lei komunikasaun social no komunga kodegu etika jornalistika ne’e sai ukunfuan ba jornalista sira hala’o kna’ar. Instituisaun media sira nia papel partilla informasaun ba publiku liuhusi publikasaun lorloron ho meius komunikasaun social sira kompostu husi media elektronika, media imprime no media online. Ne’ebé publikasaun informasaun sira laiha intervensaun husi media nain sira ho intensaun politika no ekonomia. Loluwari Media Online nudar instituisaun media privadu ne’ebé eziste atu publika informasaun tuir padraun Konsellu Imprensa no mos asosiaun jornalsita sira hanesan Timor Leste Press Union TLPU, Asosiaun Jornalista Timor Leste ne’ebé sai matadalan ba kna’ar media sira. Loluwari media online nudar instituisaun media ho orientasaun lukrutivu hanesan media privadu ne’ebé loke kampu servisu ba an rasik iha era agora hodi redus desempregu iha rai laran. Rendementu ne’ebé loluwari hetan sei mai husi iklan husi parseiru sira hanesan governu, seitor privadu sira seluk opiniaun no meius seluk. Atu fasilita salariu ba nia membru sira ne’ebé mak emprega aan iha Loluwari Media Online. Buat seluk ne’ebé la mesiona sei kesi iha regulamentu internu kompania nian ho rigorozu. Vizaun no Misaun Vizaun • Nudar referensia ne’ebé inspira leitor sira liliu publiku nia prepetiva konaba informasaun ne’ebé adekuadu iha era global ba liberdade publiku nia atu konsumu informasaun. Misaun • Informasaun ne’ebé ho tipu edukativu nudar kontrolu sosial ba publiku. • Partilla informasaun iha teritoriu tomak kobre informasaun atual akontesementu atual iha area edukasaun saude ekonomia, agrikultura no seitor produtivus sira. • Hamri’ik ho Forma rasik atu pasa informasaun iha politika redasaun no editorial ne’ebé tuir matadalan kodegu etika jornalistiku. • Produz nutisia ne’ebé independent no livre husi presaun politika no ekonomia maibe firme publika informasaun ho balansu no diferenti. • Produtu informasaun ne’ebé kualidade Strutura redasaun Xefe Redasaun : Cesar Pires Kordendor Kobertura : Alberto Pires Sekretaria Redasaun : Fernando da Costa Redaksi: Herminio Cardoso, Fernando da Costa, Alberto Pires, Sergio da Cruz, Elio da Costa, Estevão Nunu, Diretór Kompania Loluwari Ira, LDA : Herminio Cardoso Manajer Iklan/Marketing: Hernania Febriani Soares Cardoso Finansa : Otilia Caldas IT/Web: Benigno Aquino Campos, Salis Cardoso Office : Lemorai, Vila Verde, Vera Cruz, Dili, Timor Leste. phone: 74327856 (WA/SMS) fanpage facebook : loluwari media online email : cesarpires046@gmail.com

Defesa no Seguransa News