Loluwari Média (Díli) – Komandante Munisípiu Díli (KMD), Superintendente Xefe Polísia, Orlando Gomes, informa, iha tersa kalan mais ou menus tuku 01:00 akontese kazu ofensas integradu fiziku simples iha Bebonuk Fau Laran, iha akontesimentu ne’e membru Polísia Nasionál Timor-Leste (PNTL) husi servisu informasaun Polísia munisípiu Manatuto, hetan pankada makaas hafoin partisipa alin nia tinan.
“Ita nia membru Polísia iha momentu ne’ebá mesak família de’it atu han hemu, tanba komemora alin nia aniversáriu, derepenti iha suspeitu ida ho nia kolega na’in 4 ba ho kondisaun lanu halo barullu iha fatin ne’ebé mak iha uma laran depois tuku ita nia Vitima ninia inus nakles no ran suli suspeitu sira ne’e ho kondisaun lanu nia atu fila mak suspeitu mos monu iha fatin.” Dehan Komandante Munisípiu Díli (KMD), Superintendente Xefe Polísia, Orlando Gomes, ba jornalista sira, iha Eskuadra Dom Aleixo Aimutin Dili, Kuarta (02/07).
Gomes esplika, hafoin hetan informasaun delta dois orienta ba iha patrulla Dom Aleixo ba kedas iha fatin akontesimentu atu nune’e foti lezadu ho suspeitu mai kedas iha eskuadra Dom Aleixo hodi halo identifikasaun kontinua prosesu.
Tu’ir relatoriu ne’ebé mak ita simu katak suspeitu tuku lezadu ninia inus besik matan fukun ran, nakles, hafoin informa ba patrulla Dom Aleixo ba iha fatin akontesimentu Bebonuk Fau Laran foti suspeitu ho inisial MFS ne’ebé tuku membru Polísia servisu sekreta Munisípiu Manatuto nian.”
Patrullamentu Dom Aleixo foti hotu suspeitu no mos ho nia kolega sira seluk tanba kondisaun lanu, entaun lori hotu mai iha eskuadra Dom Aleixo halo prosesu.
“Kazu ida ne’e ami konsidera iha kazu rua, primeiru kona-ba asaltu tanba sira nia kondisaun lanu ba iha uma ne’ebé ema halo hela ema nia serimonia aniversariu família uma laran mak hamutuk, Segundu kuandu autoridade seguransa ne’e sira komete ona obstrusaun autoridades ne’e iha kazu rua bele prosesu, ita nia vitima halo ona tratamentu, agora daudaun fila-fali ba sira nia rezidensia.”
Jornalista : Chay Risky