Loluwari Média (Dili) – Koordenador jerál jogu Desportivas CPLP, Jorgé Soares Cristováo, hatete, jogu desportivas CPLP loron datoluk modalidade balu simu ona medalla no fó parabens ba manán na’in modalidade husi taekwondo ho feto Timor-Leste ho peizu 46 sai primeiru lugar no mós iha mane ho peizu (51) okupa segundu lugar ba modalidade taekwondo iha jogu CPLP.
“Primeiru hakarak parabens ba ita nia alin feto ne’ebé mak nu’udar manán na’in primeiru lugar iha modalidade taekwondo ho peizu 46 kilograma ne’ebé ohin hatudu nia Jogu ne’ebé di’ak tebes no konsege hetan primeiru lugar segundu mós hakarak apresia ba modalidade taekwondo ita nia alin mane ne’ebé maka ohin konsege mós nu’udar segundu lugar iha modalidade taekwondo ho peizu 51”. dehan Koordenador Jerál jogu desportivas CPLP, Jorgé Soares Cristovão, iha CCD, segunda (21/07).
Cristovão relata, husi modalidade atletizmu Timor-Leste, ne’ebé lidera husi feto mós hetan medulla, tanba konsege hetan terseiru lugar ne’ebé halai ho metru 1.500.
Alende, husi modalidade 5 ne’ebé konsege hetan ona manán na’in sira ne’ebé dala barak husi Portugál mak hetan medalla barak liu ba modalidade medalla osan mean.
“Medalla Osan Mean ba Portugal, Lansamentu Peso 3 kg ba kategoria Feto, Margarida Braz Simões Bento, distansia 1500 metru ba kategoria mane, atleta Portugués manán ho tempu 4 minutu no 42 segundu. Distansia 3000 metru ba kategoria Feto, Maria Clara Monteiro Lucas Pires, manán ho determinasaun bo’ot.
Distansia 100 Metru ba kategoria Feto, Laura Branco Jorge da Silva Agostinho, Distansia 100 metru ba kategoria mane, Tiago André Barros dos Santos, hatudu velosidade no téknika.
“Hakarak mós agradese i apresia ba ita nia modalidade ho metru 1.500, alin feto ne’ebé ohin konsege mós hodi medalla ba terseiru lugar ida ne’e hakarak hato’o apresiasaun i agradese wa’in husi parte governu nian ba ita nia manán na’in sira.”
Hanesan ita hotu hatene ita hotu akompaña ohin iha modalidade lima 5, hat 4 iha atletizmu ne’ebé maka ita konsege hetan ona manán na’in sira dala barak liu ita nia pais, Portugál mak kuaze foti hotu ida ne’e iha atletizmu ho metru 100 ne’ebé mak ohin ita hatene iha ona faze final iha mós atletizmu ba 3.000 mill metru ne’ebé mak ohin ba feto nia manán nain husi Portugál.
Iha mós lansamentu de peso ne’ebé mak ohin mós iha ona final iha manan na’in ona”. Koordenador Jerál esplika.
Jornalista : Anis