Loluwari Média (Dili) – Responsabilidade Modalidade Jogu Desportivas CPLP, Joáo Campos, informa, halo reuniaun urjenti mudansa orariu jogu ba modalidade futeból. Preokupasaun ba alterasaun ne’e maihusi ekipa haat ba modalidade futeból husi ekipa nasional Portugál, Cabo Verde, Angola no Timor-Leste.
“Aproveita opurtunidade ida ne’e ha’u hakarak anunsia ba públiku liuhusi, ita bo’ot sira ba mudansa orariu ne’ebé foin daudauk halo tiha reuniaun urjenti ida ho ekipa haat ba futeból nian. Entaun iha alterasaun ba orariu de jogu, alterasaun sira ne’e la’ós laiha razaun ne’ebé tanba ita rona hotu tiha ona preokupações husi ekipa Portugál, Cabo verde, Angola i nune’e mós ho Timor-Leste. Tanba joga sira ne’e kuaze lor-loron de’it entaun sira laiha tempu atu rekoopera, sira laiha tempu atu deskansa”. Dehan, responsavel ba modalidade Jogu Desportivas CPLP, Joáo Campos, iha salaun Media Center CCD, segunda (21/07).
Alende ne’e sira fo alternativu ida ne’ebé hotu-hotu iha desizaun definitivu ida ba mudansa orariu ba jogu modalidade futeból.
Entretantu iha reuniaun ne’e dfeside halo mudansa orariu atu hala’o iha loron ida depois loron tuirmai.
“Hahu ohin laiha jogu ba modalidade futeból Timor-Leste versus Cabo Verde iha mudansa orariu ne’ebé sei hahú joga iha tersa (22/07) tuku 7 kalan oras Timor-Leste, no Jogu tu’ir mai Portugál kontra Angola iha tuku 9 kalan oras Timor-Leste.
“Ha’u hakarak informa mós iha ne’e mudansa ne’ebé mak depois de iha reuniaun ho ninia desizaun maka jogu ne’e sei halo iha dia não e dia sim.”
Entaun ita hahú iha ohin tu’ir loloos iha jogu Timor-Leste kontra Cabo Verde, ohin iha tiha alterasaun portantu ohin laiha jogu, ita sei muda fali jogu entre Timor-Leste no Cabo Verde iha 22/7 tuku 7 kalan oras depois iha jogu tu’ir fali Portugál kontra Angola iha 21:00 ka tuku 9 kalan loron ida iha jogu rua ba iha kalan jogu ho orariu maka kick off iha jogu inisiu iha 7 oras, segundu jogu iha tuku 9 kalan.”
Jornalista : Anis