Loluwari Média (Díli) – Prezidente Federasaun Sagres Timor-Leste, Zeferino Viegas Tilman, informa, segunda ne’e federasaun xadres Timor-Leste realiza teknikal meeting ba modalidade Xadrez iha Comunidade Países Lingua Portuguesa (CPLP).
“Ohin ita realiza ona tecnikal-meeting, ami ko’alia liu kona-ba Xadrez ne’ebé molok ne’e ami fahe ba nasaun neen (6), mak Angola, Cabo Verde, Portugal, Moxambique, Sao Tome no Timor-Leste, ne’ebé sei partisipa iha Jogu ne’e no ohin sira konfirmadu hotu ona, husi atleta nasaun neen nian.” Dehan, Prezidente, Federasaun Xadres Timor-Leste, Zeferino Viegas Tilman, ba jornalista sira, iha Centru Convenções Dili (CCD), Segunda (21/07).
Nia hatete, teknikal-meeting ne’e dada sorteiu ona kona-ba atleta sira ne’ebé sei kompete iha kategoria 3. Standar (Klasiku), Rápidu no Blitz.Nune’e labele fo todan ba jogador sira, ikus mai konkorda iha manual ne’ebé mak ita ajusta hodi bele joga ohin.
“Orsida loraik sei iha jogu abertura iha tuku 3 lorokraik (15:00). Ita sei hahu uluk ho kategoria Standar ba Femenino no Masculino.”
Regulamentu ne’ebé distribui ona ba nasaun partisipante sira inklui konfirma naran atleta sira ne’ebé sei kompete hamutuk 14 husi nasaun neen (6) mak Portugal, Angola, Cabo Verde, São Tomé Principe, Mosambike inklui Timor-Leste. Nia relata.
“Ami diskute ona kona-ba regulamentu no komunika ona ba nasaun sira ne’ebé partisipa. Ohin, hala’o mós sorteiu ba jogadór sira ne’ebé sei kompete iha kategoria jogu tolu, Standar (Klasiku), Rápidu no Blitz.”
“Regra Xadrez iha jogu Desportivu CPLP ba kategoria tolu ne’e fahe ba Rapid (Rápidu) ho durasaun minutu 15, Blitz ho durasaun minutu 5 liman no standar mak minutu 60”.nia explika.
Ba jogu ne’e rasik FXTL prepara ona árbitru na’in sia (9) no hetan apoiu tan árbitru na’in haat (4) husi Portugal, Cabo Verde, no Angola. Sira sei servisu kolaborativamente husi 21 ate 25 Jullu inklui ba serimónia medalla nian.
Fasilidade ba jogu xadrez ne’e rasik hetan apoiu tomak husi Federasaun Xadrez Internasionál (FIDE), iha kolaborasaun ho FXTL no Federasaun Xadrez Cabo Verde. Apoiu ne’e inklui fornesimentu ekipamentu xadrez konjuntu (set) 10, ne’ebé sei rai iha Timor-Leste hodi uza iha kompetisaun sira iha futuru.nia afirma.
Ekipa prepara kedas fatin jogu ho meza neen (6). Kada meza iha ona set ida ho kadeira tolu ne’ebé sei priense husi jogador no arbitrazen. Durante jogu sei la autoriza pessoal hotu halo movimentu nune’e partisipante sira bele iha konsentrasaun maxímu.
Jornalista : Chay Risky