Loluwari Média (Díli) – Jogu kontinuasaun, iha modalidade futeból ba faze grupu, desportiva komunidade nasaun sira lingua Portugues (CPLP), ne’ebé realiza iha estadiu municipal, Dili, ekipa nasional Portugál no Angola konsege fahe pontu ida hafoin impata 0-0 iha jogu daruak.
Iha jogu primeiru bainhira arbitru fo sinal hahu jogu husi ekipa rua ne’ebé antes ne’e hetan vitoria jogu dahuluk, halo kontra atake ba malu atu hetan rezultadu diak hodi lidera tabela klasifikasaun.
Iha jogu daruak treinador sira prepara estratejia atu rekolla pontu importante, enkuantu ekipa ida-idak joga tuir orientasaun jogu ne’ebé realiza iha Estadiu Munisípal Díli, Tersa (22/07).
Ekipa Portugal koko halo kontra atake makaas ba Angola ho agresivu, maibé ekipa ne’ebé husi kontinente Afrika ne’e mai ho estratejia ne’ebé nakonu ho talent hodi halo kontra atake, no la fo oportunidade ba Portugál marka golu.
Nune’e jogu entre ekipa la’o ho tensaun normal, jogador sira halo jogu ho bola husi ain ba ain, hodi buka opurtunidade no liña defeza ekipa adversariu sira nia fallansu hodi aproveita atu bele produz golu ruma hodi muda rezultadu maibe seidauk realiza.
Atmosfera iha estadiu Dili, adeptus atus ba ataus ne’ebé asiste direita iha tribun fo suporta maximu ba ida-idak nia ekipa liu husi, hu korneta, hakilar no haklalak halo estadiu nakdoko.
Apoiu hirak ne’e, halo atmosfera jogu manas liu tan, ekipa Angola ne’ebé hala’o jogu kontra atake liu husi jogadór liña mediu parte los no karuk, hodi oferse bola barak ba liña avansasu hodi rezultada sutu barak maibé seidauk rezulta golu tanba liña defeza Portugal ne’ebé solidu.
Ekipa Portugál liuhusi liña mediu parte los, kria opurtunidade lansa sutu lubuk ida, maibé sei antispa ho di’ak husi gurada rede Angola.
Ekipa nia forsa kuaze ne’ebé hanesan iha kada liña tanba jogu primeira parte termina la rezulta golu ba ekipa rua.
Kontinua segunda parte ekipa rua nafatin halo kontra atake ba malu ho ritmu jogu ne’ebé as liu tan, maibé liña defeza ekipa ida-idak solidu tebes, maibé ekipa Angola ne’ebé halo jogu agresivu no lansa kontra atake ne’ebé lais hodi lansa sutu maibé seidauk to’o nia alvu.
Husi parte kampu ninin, treinadór husi ekipa rua ida-idak fo orientasaun ba sira nia jagadór hodi bele muda tatiku hodi bele produz golu, maibé orientasaun ne’ebé treinadór orinta ba jogadór sira seidauk hetan rezultadu ne’ebé pozitivu.
Jogu segunda parte ne’ebé la’o ho tensi jogu ne’ebé as, ekipa Angola komesa domina bola iha liña mediu kampu, nune’e halo ekipa portugal susar atu hetan bola, tanba ne’e obriga liña defeza portugál tenke fera ulun atu bele trava ekipa adversariu la rezulta golu ruma.
Angola konsege kria opurtunidade barak ba Portugal atu realiza golu maibé seidauk kona alvu, tanba jogador defeza ekipa adversariu la fo opurtunidade ba sira livre halo sutu. To’o segunda parte termina ekipa rua mantein rezultadu 0-0.
Ho rezulatdu ne’ebé iha, provizoriu Angola lidera tabela klasifikasaun pontu 4 husi jogu 2 manan ida impata 1 ho produtividade golu 1 liu enkuantu Portugal tuur iha posizaun daruak ho Pontus 4 husi jogu 2 enkuantu Cabo Verde iha posizau datoluk ho Pontus 3 husi jogu 2 kompostu husi manan 1 no derota 1, ekipa uma na’in okupa posizaun ikus ho pontu 0 husi jogu 2 derota dala rua sofre golu 5.
Jornalista : Chay Risky