Loluwari Média (Díli) -Jogu final,desportiva komunidade nasaun sira ko’alia lian portugues (CPLP),ne’ebé realiza iha estadiu munisipiu dili, Cabo Verde ho Angola hatudu sira nia funu iha kampu laran ho dut matak neebe sempre halo sira habok ho kosan.
Jogu hahu bainhira arbitu fo sinal liu ekipa rua lansa kedas kontra atake ba malu tu’ir estratejia ne’ebé treinador ekipa ida-idak prepara ona, iha estadiu Munisípal Díli, Sabadu (26/07).
Jogu ne’ebé ekipa rua hala’o, ekipa Cabo Verde koko halo kontra atake makaas ba ekipa Angola ho agresivu, maibé ekipa ne’ebé mai husi kontinente Afrika ne’e mai ho estratejia ne’ebé iha hodi halo kontra atake, no la fo opurtunidade ba Cabo Verde hodi marka golu ruma.
Ekipa rua aplika jogu ne’ebé as, jogador sira halo jogu husi ain ba ain, hodi buka opurtunidade no aproveita fallansu ekipa adversariu atu ultrapasa sira nia alvu husi liña defeza ida-idak hodi bele aproveita atu bele produz golu ruma hodi muda rezultadu maibé seidauk realiza.
Atmosfera iha estadiu adeptus atus ba ataus ne’ebé tribun leten, fo suporta maximu ba ida-idak nia ekipa atu sai vensedor.
Suporta hirak ne’e, atmosfera jogu manas liu tan, ekipa Angola ne’ebé hala’o jogu kontra atake liuhusi jogadór liña mediu parte los no parte karuk, hodi oferse bola barak ba liña avansadu hodi rezulta sutu barak maibé seidauk kona alvu.
Alende ne’e ekipa Cabo Verde mos liuhusi liña mediu parte los, kria opurtunidade no lansa sutu lubuk ida, maibé sei antisipa ho di’ak husi gurada rede Angola.
Enkuantu ho forsa ne’ebé ekipa rua iha kuaze balansu husi liña hotu, to’o jogu primeira parte termina la rezulta golu ruma rezultadu provizoriu 0-0.
Iha segunda parte ekipa rua nafatin halo kontra atake ba malu ho ritmu jogu ne’ebe as liu tan, maibé liña defeza ekipa ida-idak solidu tebes, maibé ekipa Angola ne’ebé halo jogu agresivu no lansa kontra atake ne’ebé lais hodi lansa sutu maibé seidauk to’o nia alvu.
Alende ne’e iha liña kampu ninin, ekipa treinadór husi ekipa rua ida-idak fo orientasaun ba sira nia jagadór hodi bele muda tatiku no estratejia hodi bele produz golu, maibé orientasaun ne’ebé treinadór orinta ba jogadór sira seidauk hetan rezultadu pozitivu.
Jogu segunda parte ne’ebé la’o ho tensi jogu ne’ebé as, no ekipa Angola hahu domina jogu iha mediu kampu, nune’e halo ekipa Cabo Verde difisil atu halo balansu jogu, tanba ne’e obriga liña defeza Cabo verde tenke kontrola liña defensivu hodi trava avansadu ekipa adversariu labele labele realiza golu ruma.
Maske ekipa Angola domina jogu no konsege kria opurtunidade barak ba liña defensive Cabo Verde, atu realiza golu, maibé seidauk kona alvu.
Fallansu hirak ne’e fo kedas opurtunidade osan mean ba jogadór Jadilson Ribeiro ho numeru 11 muda rezultadu ba 1-0 iha 79 minutu halo estadiu atu nakfera tanba de’it golu iha minutu ikus.
Golu ne’ebé Cabo Verde produz la hamate ekipa adversariu Angola nia vontade no angola kontinua lansa atake makaas to’o segunda parte termina no tempu extra minutu 7 ekipa Angola halo presaun makaas ba Cabo Verde no eru ne’ebé liña defeza Cabo Verde halo, nune’e arbitru deside penalidade ba angola hodi muda skor ba 1-1 husi Angola nia jogadór João ho numeru kamizola 8, exekuta ho di’ak iha minutu 90+4 rezulta golu.
Nune’e arbitru deside kontinua drama suta penalidade, iha drama ne’e suta penalidade ne’e ekipa Cabo Verde,konsege saivensedor hafoin lidera ho 3-2. Iha jogu CPLP ba dala XII 2025.
Jornalista : Chay Risky