Loluwari Média (Díli) – Ekipa uma na’in Timor-Leste, hakneak hasoru ekipa seleção das Quinhas iha faze finais hodi hadau malu medalla osan metan, iha jogu desportivu komunidade nasaun sira ko’alia lian portugués (CPLP), iha estadiu municipal Dili, jogu ikus entre Timor-Leste ho Portugal determina ho drama suta penalidade, maske nune’e Portugál superior liu no konsege rekolla vitoria no okupa posizaun datoluk.
Hahu inisiu jogu, bainhira arbitru fo sinál hahu jogu, ekipa rua hala’o jogu tu’ir tatika jogu ne’ebé treinador prepara ba ekipa ida-idak atu fo vitoria ba nia ekipa.
Jogu ente ekipa rua ho velosidade ne’ebé kalma, ho tatiku bola husi ain ba ain, buka opurtunidade hodi rezulta golu, maibé Portugál ne’ebé mai ho estilu jogu husi ain ba ain longball, nune’e konsege lansa sutu balu, maibé hetan antisipasaun di’ak husi guarda rede Timor-Leste.
Funu entre ekipa rua ne’ebé hadau malu bola iha kampu ne’ebé afeita ho du’ut, no kosar ne’ebé habokon isin, no sofrimentu oi-oin hodi fo presaun ba liña defensivu ekipa, maibé liña defensiva ekipa rua solidu tebes.
Ekipa seleção das Quinhas domina liu jogu, no konsege hetan opurtunidade hodi lansa sutu livre, antisipa fallansu liña defesivu ekipa uma na’in maibé sutu refere la konsege kona nia alvu, nune’e ekipa Lafaek koko rekoopera fila fali bola, lansa atake liuhusi liña mediu, hodi hatama bola ba liña defensiva Portugál, maibé avansadu ekipa uma na’in la konsege aproveita opurtunidade ho diak.
Jogu defensivu barak ne’e halo ekipa uma na’in fo presaun ba ekipa bainaka liuhusi kontra atake makaas ba liña defensivu Portugál.
Ekipa seleção das Quinhas hasa’e tensaun jogu ne’ebé aas, hodi fo presaun makaas ba liña defeza ekipa uma na’in .
Iha minutu 21, primeira parte lansa suta, maibé lina defensivu ekipa Lafaek antisipa kedas bola husi nia adversariu hodi fo ameasa ba rede portugál nian, maibé guarda rede konsege salva bola.
To’o jogu primeira parte termina ekipa rua mantein ho rezultadu 0-0,
Iha segunda parte, ekipa rua lansa kedas kontra atake atu rezulta golu. Treinadór ekipa seleção das Quinhas halo substituisaun jogador. Portugál ho nia tatika jogu, bola husi ain ba ain nune’e jogadór portugál numeru kamizola 18, halo presaun makaas iha liña defeza ekipa Lafaek liuhusi mediu parte karuk.
Enkuantu ekipa Lafaek halo kontra atake lalais. Iha minutu 61, jogadór ekipa Lafaek, Manuel Reinaldo ho numeru kamizola 17, konsege aproveita fallansu liña defeza Portugál, konsege oferese golu ba ekipa uma na’in lidera 1-0.
Maske ekipa uma na’in lidera jogu ekipa bainaka liu de’it minutu 4 Portugal konsege responde golu lihusi jogadór Sousa, ho numeru kamizola 13, iha minutu 65, aproveita bola kantu muda rezultadu 1-1.
Rezultadu 1-1 mantein to’o jogu segunda parte termina. tanba ne’e arbitru deside hakat ba sutu penalidade.
Kontinuasaun ba suta penalidade ekipa Portugál susesu ezekuta suta penalidade ho maximu enkuantu jogador ekipa Lafaek, na’in 3 halo faillansu rezultadu ikus 4-1, ba vitoria ba ekipa bainaka.
Jornalista : Chay Risky