Loluwari Média (Díli) – Jogu kontinuasaun, desportiva komunidade nasaun sira ko’alia lian portugues (CPLP), ne’ebé realiza iha estadiu munisipiu Dili, ekipa uma na’in kontra Angola hatudu sira nia forsa maibé Angola domina liu bola hodi hamoe Ekipa Timor-Leste kuinesidu ho Lafaek hafoin Primeiru Ministru (PM), Kay Rala Xanana Gusmão asistente direita jogu iha modalidade Futéból.
Jogu primeiru parte bainhira arbitru fo sinal atu hahu jogu, ekipa uma na’in kontra Angola, lansa kedas kontra atake atu rekolla pontu maximu maske nune’e misaun ne’ebé ekipa halo diferente tebes iha jogu CPLP dala XII.
Ekipa uma na’in mai ho misaun atu hakotu rezultadu negativu iha jogu inisiu rua bainhira derota kontra Portugal ho Cabo Verde enkuantu ekipa Angola hakarak rekola pontu 3 ba jogu tuir mai atu hasoru manan na’in entre Portugal kontra Cabo Verde iha jogu finais, iha Estadiu Munisípal Díli, kinta (24/07).
Ekipa uma na’in koko halo kontra atake hasoru ekipa adversariu Angola tu’ir orientasaun treinadór ba sira, maibe ekipa ne’ebé mai husi kontinente Afrika halo kontra atake, ba ekipa uma na’in marka golu.
Jogu ne’ebé mai ho tensaun aas, jogador sira joga ho kuidadu ho bola husi ain ba ain, no buka opurtunidade no fallansu husi ekiap adversariu atu lidera jogu.
Ekipa adversariu Angola hetan opurtunidade osan mean liuhusi sira nia avansadu konsege realiza golu iha minutu 4 ho liuhusi jogadór Pedro António ho numeru kamijola 15 muda rezultadu b1-0 ba nia ekipa.
Situasaun ne’e halo adeptus ekipa uma na’in ne’ebé nakonu estadiu iha tribun leten, fo suporta maximu ba ida-idak nia ekipa.
Ekipa Angola ne’ebé hala’o jogu kontra atake liuhusi jogadór liña mediu parte los no parte karuk, hodi oferse bola barak ba liña avansasu hodi muda rezultadu ba 2-0 iha minutu 08 ho jogadór Alexmar dos Santos numeru kamijola 14.
Ekipa uma na’in liuhusi liña mediu parte los, kria opurtunidade lansa sutu lubuk ida, maibé sutu hirak ne’e seidauk kona alvu, tanba antispa ho di’ak husi gurada rede Angola.
Enkuantu ho forsa ne’ebé ekipa rua iha Angola domina liu jogu no jogu to’o minutu 40 primeira parte Angola lidera jogu ho rezultadu 2-0. Tempu extra minutu 2 jogadór Timor-Leste, Reinaldo ho numeru kamijola 17 hetan opurtunidade osan mean konsege oferese golu ida ba nia ekipa hodi muda rezultadu ba 2-1 iha primeira parte termina provizoriu rezultadu 2-1.
Iha segunda parte ekipa rua nafatin halo kontra atake ba malu ho ritmu jogu ne’ebe as liu tan, maibé liña defeza ekipa ida-idak solidu tebes, maibé ekipa Angola ne’ebé halo jogu agresivu no lansa kontra atake ne’ebé lais hodi lansa sutu maibé la rezulta golu.
Jogadór Angola, Paulo Luvumbo ho numeru kamizola 09 konsege aumenta golu hodi muda rezultadu ba 3-1.
Jogu segunda parte ne’ebé lao ho ritmu ne’ebé as, ekipa angola komesa domina bola iha media, nune’e halo ekipa uma na’in susar atu dezenvolve sira nia jogu ne’e obriga liña defeza Timor-Leste tenke servisu makaas halo balansu jogu kontra avansadu ekipa adversariu.
Rezulatdu ne’e iha, ekipa Angola lidera tabela klafikasaun ho pontu 7, ekipa Cabo Verde okupa segundu posizaun ho pontu 6, enkuantu Portugal okupa posizaun 3 ho pontu 4, Timor-Leste okupa posizaun 4 ho pontu 0,
Direitu tomak atu hadau Primeiru lugar no Timor-Leste ho Portugal hadau Terseiru luga ba jogu CPLP iha 2025.
Jornalista : Chay Risky