Loluwari Média (Lautém) – Koordenador Postu Partidu Democratico (PD), Angelino Miranda, hatete, PD forma komisaun ba konferensia iha postu Lautem, konvida sekretariu Geral interino Munisipiu atu esplika prossesu konferensia bazeia rejimentu ne’ebé estabelese ona.
“Ba suku hotu-hotu nia delegadu no delegada sira mai ne’e mai tu’ir duni regra orientasaun giaun sira ne’ebé Nasional sira fo ne’e prontu ona ne’ebé lori mai ita bele la’o tu’ir.
Depois ida ne’e hotu ita sei fo informasaun ba malu atu ita bele servisu hamutuk atu bele lori ita nia delegadu/a sira mai tuir konferensia iha tempu badak data sira ne’ebé ita determina.”
“Ita nia ekipa ita nia juventude ho koordenador sira ne’ebé mak marka prezensa ona iha ne’e ita sei fo servisu ba malu atu nune’e tun iha baze orienta no organiza bele lori ita nia konfresista sira mai iha postu no fila ho diak.” Dehan Koordenador Postu Partidu Democratico (PD), Angelo Miranda, iha nia diskursu sesaun abertura ba enkontru preparasaun konferensia PD, iha Lautém, Domingu (17/08).
Sekretariu jeral interinu PD, Casimeiro Pires, esplika, regulamentu ba giaun no regimentu rua labele fahe tenke tau hamutuk hodi la’o tu’ir.
“Iha giaun no regimentu dokumentu rua ne’e la’o hamutuk ita labele fahe, foin lalais husi Nasional manda mai ne’e ba iha kada postu, ne’ebé giaun no regimentu ha’u entrega ba ita nia Koordenador ida ba Munisipiu ne’ebé minimu los, husi ne’eba maka ami kopia fali ba munisipiu nian.
Ho ida ne’e maka ami mos akompaña iha konferensia rua ona iha 09 iha Iliomar, 16 iha Lore, iha ne’e partisipante ba konferensia sira ne’e iha strutura konsellu ezekutivu postu administrativu ne’e hamutuk 11 ne’e Koordenador ho nia vise, sekretariu ho nia vise no Tezoreiru no mos kada seksaun sira na’in ida, ida mak representa.”
Membru ba delegadu ba tu’ir konferensia ne’e hamutuk 17 ba delegadu sira husi suku Koordenador suku ho ninia sekretariu, xefe seksaun sira la tama iha ne’e husi suku ida ema na’in 2.
Entaun suku 10 ne’e ema na’in 20 ba liras sira husi suku koordenador de’it maka mai. Koordenador suku ema na’in lima, suku 10 entaun ema na’in 50 ba aldeia tu’ir rejimentu ho giaun ne’e ema na’in ida ne’e koordenador aldeia mak mai, maibé sirkular foun ida mai aumenta tan liras tolu, ne’e ho nia koordenador sira iha aldeia ema na’in haat maka sei mai.
Tanba aldeia hamutuk 46 ne’ebé hamutuk ema na’in 184 ne’ebé total partisipante konferensia postu Lautém hamutuk 251 husi aldeia ema na’in 184 husi suku ema na’in 50 husi postu ne’e ema na’in 17.
“Rekejitu ba kandidatu kargu iha postu administrativu Lautém iha pakote ne’e depende maibé atu hili pakote iha postu administrativu Lautém, iha koordenador ho nia vise na’in tolu sekretariu ho nia vise na’in tolu, kada pakote ema na’in hitu.
“Ita laiha konferensia nivel postu ho munisipiu ba lista sira ne’ebé ita nomeia ne’e sira mak tu’ir konferensia munisipal nian husi konferensia munisipal ne’e maka ita sei hili tan delegadu ba tuir kongressu nasional iha Dili.”
Prezidente munisipiu PD, Armando dos Santos Lopes, hatete, bainhira konferensia ne’e atu realiza tenke priense rekejitu no tu’ir regulamentu, husu ba koordenador sira labele akontese tan iha fatin sira seluk.
“Ita iha 151 entaun 50/1 ne’e signifika ita sei presisa 126 ne’e ita bele avansa ona kuandu tun husi ne’e konferensia ne’ebé ita determina la permite’
Jornalista : Arno Kupa Jr