Loluwari Média (Nitibe) – Prezidente Repúblika (PR) José Ramos-Horta, Oferese prezente Natál ba orfonatu no uma mahon iha Rejiaun Administrativa Espesiál Oé-Cusse Ambeno (RAEOA).
Reprezenta Prezidensia Repúblika, Koordenadora Servisu Sosiédade Sivil no Asuntu Sosiál Teresa dos Ximenes, hatete, kada tinan PR sempre apoiu nesésidade báziku no ekipamentus desportu ba Orfanatu sira ne’ebé hela ho Madre-Padre sira no ba Uma Mahon iha Rejiaun Administrativa Espesial Oé-Cusse Ambeno (RAEOA).
“Ohin ita lori prezente natál nian mai iha Uma Mahon Biato Tomasu Maria Fusco mak nesésidade báziku Fós, Mina, Supermie, Sardina, Mantolu, kafé, Masin midar no Dellos inklui ekipamentus mak Manta no Farda Desportu nian ne’e hanesan prezente Natál nian ba Orfanatu no uma mahon iha RAEOA.” Dehan Koordenadora Servisu Sosiédade Sivil no Asuntu Sosiál Prezidensia Repúblika, Teresa dos Ximenes ba Jornalista Loluwari.tl iha Baucnanan Citrana, Domingu (16/11).
Teresa Esplika, Prezente simples ne’ebé PR oferese komunidade liu-liu jovens foin-sa’e sira ne’ebé hela iha Orfanatu no Uma Mahon ne’e atu bele ajuda sira iha tempu badak.
“Ohin koordenadora Uma Mahon Biato Tomasu Maria Fusco mós fó rekomendasaun ba Prezidente Repúblika katak uma mahon ida ne’e presiza apoiu husi Prezidente Repúblika hodi hadia sira nia fatin atu nune’e Estudante sira bele utiliza ho di’ak ba tempu naruk nian” dehan nia.
Koordenadora Uma Mahon Biato Tomasu Maria Fusco, Santina de Oliveira Camões, Lori Uma Mahon Biato Tomasu Maria Fusco nia naran hato’o obrigadu no agradese wain ba Prezidente Repúblika nia laran luak hodi fó Apoiu Nesesidade bázika inklui ekipamentus desportu nian ba sira.
“Ami nia Obrigadu no agradese ba PR ne’ebé apoiu ona Nesésidade báziku no ekipamentus desportu nian mai ami” dehan nia.
Uma mahon ida ne’e,Nia dehan,madre sira sei menus maibé madre sira ne’ebé iha uma mahon prontu halao nia misaun hanorin labarik sira hodi aprende suku roupa, Guitar, bidu no dansa Tradisionál inklui Dezeñu hotu.
“Durante ami nia uma mahon ne’e ami iha preokupasaun ba ami nia uma ne’ebé ho kondisaun ladun di’ak maibé ami lao neneik hodi hanorin estudante sira atu sira bele aprende nafatin”dehan nia.
“Ami nia uma mahon ne’e atu ajuda Estudante sira laos ami tau Kolejiu para ita nia oan ita nia Estudante sira mai hela iha ne’e atu selu maibé mai fasilita sira atu hela iha ne’e hodi ba eskola”dehan nia.
Tanba Uma mahon iha Postu Nitibe Suku Beneufe Baucnanan Uma Mahon dahuluk halao nia kongregasaun iha 2016 ne’e hahú simu Estudante sira ho númeru kiik maibé oras ne’e aumenta ona.
“Hau nia mensagen ba PR ami nia komunidade hakarak buka sentru ne’ebé di’ak ba estudante sira tanba ne’e hau husu ba nai Prezidente Repúblika ami husu atu harii uma diknu ida mai ami atu nune’e ita nia Estudante sira bele uza hodi halao nia prosesu aprendizajen”dehan nia.
Reprezentante Estudante Uma mahon, Clareana Manus fó nia Obrigadu ba Prezidente Repúblika ne’ebé apoiu ona ai-han ba Uma Mahon Biato Tomasu Maria Fusco.
“Hau lori ha’u nia feto maluk sira nia naran hato’o obrigadu barak ba Prezidente Repúblika ne’ebé oferese nia domin liu-husi nesesidade báziku mai iha uma mahon Biato Tomasu Maria Fusco ne’e hanesan prezente Natál ami agradese tebes”dehan nia.
Entretantu Estudante iha uma mahon hamutuk 41 kompostu husi feto hamutuk nain 28 mane nain 13 ne’ebé laos de’it ema kbiit nia oan maibé ba sira ne’ebé hela mós iha hotu uma mahon ne’e.
Ekipa Sosiédade Sivil distribui nesésidade báziku no ekipamentus desportu nian ba iha Munisípiu Liquiça, Bobonaro inklui mós RAEOA.
Jornalista :Cesar Pires
Editór: Herminio Cardoso