Loluwari Média (Dili) – Ministériu Komérsiu Indústria (MKI) hamutuk ho kompañia rua asina ona kontratu ba projetu konstrusaun Merkadu Munisípiu Lautem Postu Administratu Lospalos Vila no Merkadu Munisípiu Ermera Gleno Vila.
Tanba ne’e Ministru Komérsiu Indústria Nino Pereira hatete, projetu ba merkadu rua ne’e atu bele moderniza infra-estrutura komérsiu lokál hodi konsidera vendedór atu bele faan sasan.
“projetu merkadu foun iha Lautem no Ermera sei fó oportunidade ba vendedór lokál, aumenta seguransa no fó dignidade ba konsumidór sira” sita komunikadu imprensa ne’ebé Loluwari.tl asesu ohin (17/11).
MKI kontinua ho komprimísiu atu sustena dezenvolvimentu ekonómia lokál no nasionál liu-husi infra-estrutura komérsiu ne’ebé susténtavel, inovadór no inkluzivu.
Empreza manan na’in sei implementa projetu tu’ir padraun tékniku no seguransa internasionál, ho supervizaun regular husi MCI. Konstrusaun sei hahú tu’ir kalendáriu ne’ebé akordu iha kontratu, hodi garante transparénsia no efisiénsia iha prosesu.
Projetu merkadu foun hirak ne’e sei moderniza infra-estrutura komérsiu lokal, aumenta asesibilidade no seguransa, hodi garante kondisaun ambiente ne’ebé diak.
Tuir Nia, merkadu foun rua ne’e sei fó oportunidade ba dinamiza atividade ekonomia lokál, sustenta dezenvolvimentu komunidade no kontribui ba ekonomia nasionál.
MKI reafirma tan katak atu Promove dezenvolvimentu infra-estrutura komérsiu susténtavel, Fó prioridade ba inovasaun no inkluzaun sosiál, Assegura impaktu pozitivu ba ekonomia nasionál no komunidade lokal sira.
Entretantu Asina kontra ne’e empreza manan na’in ba implementasaun projetu konstrusaun merkadu foun iha Munisípiu Lautem sei konstrui husi kompañia Divita CO Unipessoal, Lda (Timor-Leste) no kompañia Henan Fifth Construction Group, LTD (China) sei responsavel ba konstrusaun Munisípiu Ermera.