Loluwari Média (Díli) – Pesoál Migrasaun Batugade ne’ebé deskonfia husu númeru Whatshap ba sidadaun Indonézia feto ida ne’ebé ho pasaporte mate hodi kontinua ultrapasa ne’e la kontra Lei Migrasaun nian.
Kazu ne’e akontese bainhira sidadaun indonézia feto ne’ebé deklara sai katak nia fó númeru whatshap ba pesoál migrasaun atu liberta hodi bele ultrasa ba nia rai Indonézia.
Tanba ne’e Diretora Jerál Migrasaun Superintendente Xefe Polísia Natercia Martins orienta kedas ekipa atu halo investigasaun maibé ho rejultadu hatudu katak pesoál Migrasaun hala’o servisu tuir lei.
“Prova hatudu katak nia la komete iregularidade iha ne’eba no pesoál sai fali vitima tanba desizaun ne’ebé superior Migrasaun halo tuir lei maibé tanba individu Benefisiariu husi desizaun ne’e mak kontente demais hodi publika sai iha nia akun Tik.Tok”Dehan nia ba jornalista sira iha nia kna’ar fatin Edifisiu Ministériu Interior Villa-Verde Díli, Kuarta (11/03).
Nia esplika, iha evidénsia ne’ebé ekipa rekolla no informasaun ne’ebé individu ne’ebé mak haree ho prova katak pesoál Migrasaun hola desizaun tuir hela regras.
Tanba iha Sistema bainhira sidadaun ida nia konfesa katak nia laiha osan atu bele multa nia Over stay ne’ebé iha ka visa ne’ebé mate ona Migrasaun labele tahan nia hela iha Timor-Leste.
“Maibé ita fasilita nia maibé tau karimbo iha pasaporte tuir lei depois ba tinan 2 ba leten mak sidadaun refere foin tama fali mai Timor-Leste, Bainhira tama ita nia teritóriu mós nia tenke halo pagamentu tanba sinál iha nia Passporte no iha Sistema.”dehan nia.
Nia haktuir, ho evidénsia ne’ebé rekolla indika katak iha Sidadaun ne’e nia pasaporte tau karimbo sai nian no nia hetan multa maibé la multa bainhira nia tama mai fali Timor mak nia tenke selu fali multa.
Tuir lolos,Nia hatutan, Viza mate ne’e tenke selu multa 150 maibé momentu ne’e sidadaun Indonézia ne’e dehan osan laiha tanba ne’e mak tau de’it karimbo Sai nian maibé bainhira tama mai fali tenke selu.
“Ho nune’e ita nia Pesoál ne’e hola desizaun no la viola regras ne’ebé iha no pesoál ne’e rasik laos nia mak tau Caunter ou tau karimbo maibé pesoál Migrasaun ne’e nu’udar servisu hanesan Tezoreiru ne’ebé simu osan ba sidadaun sira ne’ebé mak ita prega multa no laiha ligasaun ho pesoál ne’ebé tau karimbo ba pasaporte ne’e.”dehan nia.
Ho evidénsia ne’e Migrasaun hakarak haforsa tan katak Sidadaun Indonézia ne’e tau karombo iha nia Passporte ho hetan multa bainhira nia tama mai fali Timor-Leste no mós iha sistema ba nia mós nia kontra halo viola hela loron ida bainhira nia viza ne’e mate.
“Ami atu hato’o de’it katak pelumenus iha provas ruma para nune’e ita bele garante prosesa individu ne’ebé mak kontra ka halo violasaun ka kontra regras sira iha Fronteira atu nia bele hetan nia konsekonsia”dehan nia.
Maibé informasaun ida ne’e la impede komunidade hotu-hotu nian atu labele hato’o informasaun maibé Migrasaun agradese ba sidadaun hotu-hotu atu kontínua sai matan, Tilun no ibun ba servisu Migrasaun nain.
“Ami apresia ba imi hotu nia kolaborasaun ho ami atu nune’e ita bele hamutuk lori Instituisaun Migrasaun hodi kombate kualker hahalok ne’ebé kontra ita nia regras no mós la lori benefisiu ba ita nia Estadu no ita nia rain.”dehan nia.
Durante prosesu investigasaun ne’e pesoál ne’e Suspende husi nia servisu nia labele halo lai nia servisu atu nune’e nia bele ko’opera ho prosesu Investigasaun.
“Liu-husi Koordenasaun Servisu Migrasaun nian no mós husi ita parseiru Autoridade hudi Indonézia nian no mós esforsu husi ita nia adida ne’ebé koloka iha Fronteira ita konsege hetan individu ne’e nia pasaporte ho karimbu ne’ebé tau ba pasaporte bainhira nia sai husi Fronteira.”
Tanba ne’e Instituisaun Migrasaun halo pesoál sai ofendidu no Vitima liu tan entaun pesoál refere nia superior motiva nafatin para atu nia bele kontinua nia servisu.
No tenta para atu informa ba nia familia atu fo nafatin konfiansa ba nia labele rona boatus ho evidénsia ne’ebé la forte para atu estraga nia servisu liu-liu Instituisaun Servisu Migrasaun hanesan Instituisaun Estadu ida.
Jornalista : Cesar Pires
Editór : Herminio Cardoso