Loluwari Média (RAEOA) – Ikus-ikus ne’e jovens feto sira sempre sai vítima ba lasu domin husi sira nia parseiru rasik ne’ebé ikus mai bele hetan moras HIV-SIDA.
Xefe Gabinete Prezidente Autoridade Rejiaun Administrativa Espesial Oé-Cusse-Ambeno (PA-RAEOA), João Bank, hatete, dala-barak feto mak sai vitima bá moras HIV-SIDA tanba hetan presaun husi sira nia parseiru rasik.
“Hau haree, Joven feto barak liu sai vitima ba HIV-SIDA tanba, feto mak barak liu monu ba ema nia influensia,monu ba lasu no sira la iha kbiit atu defende aan, entermus koñesimentu, argumentu atu hasoru tanba sira laiha kapasidade ekonómika no seluk-seluk tan”dehan nia ba jornalista sira iha Sucu Costa, Kinta (14/05).
Tanba ne’e apresia inisiativa husi INCSIDA ne’ebé hakarak Kombate HIV-SIDA ne’ebé hodi ba Oé-Cusse fahe informasaun kona-ba virus ne’e atu atoni oan sira bele hatene hodi prevene aan.
Prezidente INCSIDA.IP Daniel Marsal hatete,Governu sentral hamutuk ho Autoridade RAEOA, halo kombate buka dalan sira ne’ebé ema fasilita halo atividades Sexsu Livre.
“Maioria ema ne’ebé mak kona moras HIV-SIDA ne’e, liu husi Sex livre, tanba ne’e maka ita agradese ba Autoridade RAEOA ne’ebé fasilita no apoiu teb-tebes”dehan nia.
Tanba problema HIV-SIDA ne’e laos problema ema nian, maibé problema Oé-Cusse nian, Ko’alia kona-ba Sex ne’e, laiha ema ida mak iha poder atu regula ninia emosaun sexsuá.
“Ne’e ema hotu-hotu dezeju seksuál ne’e normal, maibé ema barak mak la hatene kontrola aan, hodi moris hamutuk ho ema seluk, kontinua ba moris fali ho ema seluk, ida ne’e risku teb-tebes”dehan nia.
Iha TL,Nia haktuir,fatin lokalizasaun sexuál ne’e laiha, maibé fatin lokalizasaun ne’ebé haksumik iha komunidade nia leet ne’e, kontinua buras iha Timor.
No fatin sira ne’ebé halo pratika seksuál ne’e mak kontinua buras hodi expanda sai barak liu tan ba moras HIV-SIDA, tanba ne’e too ohin loron susar atu kontrola.
iha serimonia dezaminasaun ne’e organiza husi INCSIDA.IP no hetan partisipasaun husi membru PNTL, F-FDTL,fuinsionariu sira no mós estudante UNPAZ.
Jornalista : Imaculada Tefa
Editór : Herminio Cardoso