Loluwari Média (Díli) – Konsellu Ministru aprova projetu Rezolusaun Governu, ne’ebé aprezenta husi Ministru Interiór, Francisco da Costa Guterres, kona-ba definisaun pesoál anuál ne’ebé presiza rekruta ba Polísia Nasionál Timor-Leste (PNTL) iha tinan 2026.
Rezolusaun Governu nian estabelese ba 350 númeru vaga adisionál sira ne’ebé sei rekruta hosi PNTL iha tinan 2026, ne’ebé aumenta ba vaga 400 ne’ebé antes ne’e aprova ona ba admisaun iha Kursu Formasaun Ajente nian, hodi aumenta totál vaga 750.
Husi vaga sira ne’ebé prevee, 400 destinadu ba polisiamentu jerál ne’ebé asegura husi Komandu Munisipál sira no 350 ba reforsu Unidade Espesializada no Rezerva PNTL nian, nomeadamente Unidade Polísia Marítima, Unidade Patrullamentu Fronteira no Unidade Espesiál Polísia nian.
Medida ida-ne’e ho objetivu atu hametin kapasidade operasionál PNTL nian hodi hatán ba nesesidade seguransa nasionál, hodi konsidera dezafiu sira ne’ebé asosiadu ho prosesu eleitorál sira ne’ebé sei mai, protesaun fronteira, no Prezidénsia ASEAN Timor-Leste nian iha tinan 2029.
“ohin aprova instrumentu legál Kona-ba prosesu kontinu hodi hetan 750,Ami komesa lao ona iha Fulan Juñu nia laran”dehan Ministru Interiór Francisco Guterresba ba jornalista sira iha Palacio Governo, kuarta (03/06).
Nia dehan ekipa júri forma hotu no mós sekretariadu ne’ebé iha ona komunikasun fiskalizasaun monotorizasun hodi hein de’it katak ho instrumentu legál ne’ebé KM aprova ona no he’it implementa.
“Ita nia ekipa juri Sira husi liur nain haat husi Rai laran,PNTL nain Ruan ho Forsa publika Ida”dehan nia.
Jornalista : Imaculada Tefa
Editór : Herminio Cardoso