Loluwari Média (Díli) – Parlamentu Nasionál (PN) ne’ebé halo promesa asina deklarasaun nu’udar akordu ida Estudante Universitáriu Timor-Leste (EUTL) iha tinan kotuk kona-ba atu halo alterasaun ba Lei n.º 1/2006, liu-liu Artigu 5 ne’ebé determina distánsia mínimu 100 metrus ba realizasaun manifestasaun.
Maibé akordu ne’e PN finje haluha atu atu haluha akordu entre EUTL ho PN tanba to’o agora seidauk halo altersaun ruma,nune’e EUTL alerta fali banhira laiha rejultadu mak sei iha asaun atu akontese fali ba PN.
“Karik Parlamentu Nasionál la implementa alterasaun ne’ebé kompromete ona, ami sei konsidera fila fali asaun hasoru Parlamentu Nasionál,”dehan Porta-voz EUTL, Natalizio Nunes Martins, ba jornalista sira iha Kampus Sentral UNTL, Díli, terça-feira (09/06).
Alende ne’e,membru EUTL, José da Costa Sure preokupa kona-ba proposta alterasaun ba Kódigu Penál ne’ebé prepara hela husi Parlamentu Nasionál, liu-liu kona-ba kriminalizasaun difamasaun no injúria.
José da Costa Sure hatete katak proposta refere la’ós foun tanba iha tinan 2020 Ministériu Justisa mós aprezenta ona inisiativa semellante, maibé hasoru opozisaun husi sosiedade sivíl, akademiku no jornalista sira la konsege kontinua maibe agora bankada governu iha PN tenta atu provoka fali sosiedade sira hotu.
Nia konsidera katak kriminalizasaun difamasaun bele afeta liberdade espresaun no hamenus espasu partisipasaun públika iha kontrolu ba podér polítiku.
“Bainhira difamasaun sai krime, ida ne’e bele limita liberdade espresaun povu nian no hamenus espasu atu sosiedade kontrola podér públiku. Tanba ne’e EUTL lamenta proposta ne’e no konsidera katak medida refere bele afeta prinsípiu demokrasia no partisipasaun sidadaun sira,” dehan José da Costa Sure.
EUTL husu ba públiku atu kontinua akompaña no halo vijilánsia ba prosesu legislativu sira ne’ebé relasiona ho liberdade espresaun, liberdade reuniaun no utilizasaun rekursu públiku iha Timor-Leste.
Jornalista Estajiária : Arcângela dos Santos Pereira
Editór : Herminio Cardoso