Loluwari Média (Díli) – Eminência Dom Virgilo Kardeal do Carmo da Silva, SDB, fo nia ksolok Natal ba Sarani sira iha teritoriu Timor-Leste atu dame malu iha natal.
“Natal lori ksolok no dame ba ema hotu nune’e husu ba familia sira atu la’o hamutuk ba igreja bainhira furak liu ita bele haree familia aman-inan oan hamutuk iha tempu natal. presiza la’o hamutuk ba Igreza tanba familia mak kreda domestika no familia mak knu’uk sosiedade nian, tanba familia forte kreda forte no nasaun forte.” Dehan Eminência Dom Virgilo do Carmo da Silva, SDB, ba jornalista sira, iha Lecidere, Dili, segunda (23/12).
Dom Virgilio, esplika, “Ami sei halo sá loos, Joâo Baptista sei haklaken ba publikanu sira, publikanu sira mai hasoru nia hodi husu mestre ami sei halo sá atu prepara an didiak ba natal ami sei halo sá loos ba selebra natal ho diak bainhira ita sarani selebra loron bo’ot natal santa kreda la kolen bolu sarani ida-idak atu hola konsensia fila-fali ba Na’i Maromak tanba Maromak hela ho ita.”
“Natal mai ita dame, tanba natal prinsípiu dame nian, natal mai ita haksolok, tanba ita nai Jesus Kristu lori ksolok no natal mai ita kria amizade familia nian, tanba se mak inimigu dame nian iha familia mak, ita nia an rasik, tanba Maromak hadomi ita, ema tanba ne’e haruka nia oan sai ki’ik hanesan ita ema.”
Na’i Jesus moris iha animal nia hela fatin atu sai aihan mai sarani ida-idak, ida ne’e mak prezente bo’ot na’i Maromak haraik ba umanidade tomak.
Na’i Maromak husu ba ita hotu mai ita la’o hamutuk ba kreda ida nia esperitu sinodal ninian nune’e ami husu ba ita hotu atu simu komiñaun hodi la’o hamutuk, tanba ita nia baptismu halo ita sai ida de’it, ita hotu mesak maun alin bin no feton iha Kristu Jesus.
“Natal konvida sarani sira hotu atu loke luan ita nia tenda, tanba tenda mak uma nia tatis, tenda mak sarani ida-idak nia fuan hodi loke ida-idak nia fuan ba ema hotu ho fuan ida ne’ebé hatene haraik an, fuan ida ne’ebé hatene husu perdua no fuan ida ne’ebé hatene hakuak ema hotu nomos hatene hari’i dame.”
Natal mai ita hamamuk furak oinsa bainhira iha natal familia la’o hamutuk ba Igreja bainhira furak liu ita bele haree familia aman-inan oan hamutuk iha tempu natal ne’e la’o hamutuk ba igreja.”
Jornalista : Chay Risky