Loluwari Média (Díli) – Xefe Estadu Maiór Jenerál Forsa Defeza Timor-Leste (F-FDTL), Tenente Jenerál, Domingos Raul “Falur Rate Laek”, hatete Polísia Militár nia existensia atu responde ekilibriu atuasaun sira nune’e bele aproxima misaun ida ho konseitu orden publiku no abrazen no proteze direitu individual nomos kondutu legal sidadaun ida-idak.
“Ita forma Unidade Polísia Militár atu asegura lei no orden Militár nian nune’e ita disipliña iha F-FDTL nia laran no apoiu. Ha’u halo imajen ne’ebé diak tanba iha fatin balu hanesan Baucau artemarsiais halo problema, Polísia Nasionál Timor-Leste ba la ba maibé ita iha Polísia Militár hodi ba halo atuasaun hodi kria estabilidade ba ema hotu nia diak.” Dehan Xefe Estadu Maiór Jenerál Forsa Defeza Timor-Leste (F-FDTL), Tenente Jenerál, Domingos Raul “Falur Rate Laek” ba jornalista sira iha Kintal Bo’ot, Dili hafoin halo palestra ba membru Unidade Polísia Militár sira, sesta (17/01).
“Ohin aniversáriu ba tinan 20 mai ita hotu hanoin no reflete ba ita nia servisu saida mai ita halo ona iha tinan hirak liu ba no agora ita atu hadia saida mak pasadu ita falla hau husu nafatin atu kumpri misaun Unidade PM.”
Falur hatete, pesoál Militár la kumpri ba lei no la simu orden ne’ebé Instrusaun husi komandu Polísia Militár bainhira hala’o sira nia servisu iha Unidade estabelesimentu sujeita ba orden disipliña tu’ir lejislasaun ne’ebé vigora tanba ne’e responsablidade atribui hodi kumpri regulamentu disipliñar Militár no futuru kriasaun Kódigu Militár nian.
“Ita nia forsa armada Unidade Polísia Militár tu’ir dekretu lei numeru 26/2009 iha loron 09 fulan setembru ne’ebé kria ita nia estatutu organika Polísia Militár nian nune’e Unidade PM ida ne’e husi F-FDTL ne’ebé iha dependensia operasional ba Xefe Estadu Maiór F-FDTL nian, ne’ebé dezeña atu garantia orden no disipliña interna F-FDTL nian nune’e garantia seguransa ba infra-estrutura material no pesoál Militár ho padraun konduta no disipliña ne’ebé konstitui referénsia ba pesoál Militár F-FDTL nian.”
Servisu PM nu’udar okupasaun ida ne’ebé komplexu maibé konsiente iha legislasaun nasionál nian ne’ebé vigora ho objetivu atu prevene ameansa sira ka seguransa Militár liliu subversaun no ameasa sira seluk no disipliña Militár.
“Kompeténsia sira ne’ebé atribui klaru atu asegura seguransa ba infra-estrutura estratéjiku. Ita nia nasaun nomos ba pesoál no material Militár husu ema no patrimóniu sira ne’ebé designadu no prevene pratika krime ofensiva disipliña no halo patrullamentu ba Instutisaun Militár sira no fatin sira ne’ebé militár sira halo ho sira nia misaun.”
Asegura disipliña iha F-FDTL notavelmente liuhusi promove no kapturasaun ba militár sira ne’ebé komete krime tu’ir legislasaun pesoál no prosesual ne’ebé aplikavel no sira nia aprezentasaun ba autoridade judisial kompetente no seguransa pesoál ba ofisial Militár sira.
“Apoiu forsa seguransa iha asaun kontrolu iha perturbasaun bainhira entidade kompetente ida husu no hetan autorizasaun husi Xefe Estadu Maiór Jenerál F-FDTL, tanba ita atu garantia evakuasaun ba dadur funu nian no dadur Militár sira nune’e mos ita apoiu ba autoridade sivil sira bainhira iha krize emerzénsia no kontrola ba area sira ne’ebé afetadu husi kalamidade publika iha ambitu protesaun sivil no orden publiku sira.”
PM atu servi no kompletamente ba rekursu sira seluk ne’ebé disponivel iha kuartel General no kompetente nomos Unidade atu hala’o nia misaun nomos asegura operasaun seguransa bainhira operasaun define.
Komadante Polísia Militár (PM), Maijor, Mateus de Jesus, hatete, komemorasaun existensia unidade Polísia Militár (PM) ba tinan 20 servisu rai no povu ida ne’e hasoru dezafiu nomos iha nia progresu maibé ho dedikasaun no profisionalizmu husi membru sira hotu iha Unidade PM konsege ultra pasa tarefas ne’ebé mak atribui.
“Unidade Polísia Militár ho efetivu pelotaun ida mak hanesan maubere um ho nia operasional atu kontrola ba Transitu no kontrola distribuinto polisiamentu ostentiva no seguransa ba autoridade eskonta ba batedires polisia Investigasaun kriminál, kontrolu ba empresus operasaun buska no operasaun protesaun instalasaun Militár no sivil kontra kualker kriminál saputaria no terorizmu no identifikasaun narkotika no narko tragiku.”
Iha unidade Polísia Militár Maubere 01 ate maubere 07 ho total efetivu 212 ne’e mak kobre atividades sira iha kuartel General Fatuhada efetivu balu destaka iha Baucau no Manduki no balu destaka iha CCD no Unidade Apoiu Servisu (UAS) balu seguransa ba alta entidades no balu tu’ir formasaun iha Sentru Instrusaun Komandante Nicolau Lobato Metinaro (CICNL).
Jornalista : Chay Risky